एका युवकाच्या आत्महत्येच्या घटनेनंतर मृत युवकाच्या भावाला पोलिसांकडून मारहाण झाल्याचा आराेप करत नांगोळे ग्रामस्थांनी पाेलिसावर कारवाईची मागणी करत सांगली येथील कवठेमहांकाळ येथे रात्रीच्या सुमारास आंदाेलन केले. कवठेमहांकाळ पोलिस ठाण्याच्या अधिकाऱ्यांकडून संबंधित प्रकरणाची चौकशी करून कारवाई करण्याचे आश्वासन दिल्यानंतर आंदाेलक शांत झाले.

कवठेमहांकाळ तालुक्यातल्या नांगोळे येथील सौरभ संजय वाले या युवकाने गुरुवारी आत्महत्या केली. मृत सौरभ याचा भाऊ आश्लेष संजय वाले याला पाेलिसांनी मारहाण केल्याचा आराेप करत सौरभ याच्या नातेवाईकांनी त्याचा मृतदेह ताब्यात घेण्यास नकार दिला. यामुळे कवठेमहांकाळ रुग्णालयात तणावाचे वातावरण निर्माण झाले.

पैशाची मागणी करत पाेलिसांनी आश्लेष याला मारहाण केल्याचा आरोप संबंधितांनी केला आहे. यावेळी संतप्त मृत कुटुंबासह नांगोळे ग्रामस्थांनी कवठेमहांकाळच्या उपजिल्हा रुग्णालयासमोर मारहाण करणाऱ्या पोलिस अधिकाऱ्यावर कारवाईच्या मागणीसाठी अर्धनग्न होत ठिया आंदोलन केले. तसेच कवठेमहांकाळ पोलिस ठाणे येथे देखील आंदाेलन केले.

कवठेमहांकाळ पोलिस ठाण्याच्या अधिकाऱ्यांकडून संबंधित प्रकरणाची चौकशी करून कारवाई करण्याचे आश्वासन दिल्यानंतर आंदाेलक शांत झाले.

Edited By : Siddharth Latkar