Nagpur Crime :

प्रकृती ठीक राहावी, यासाठी साधूंकडून उपाय घेणं वृद्ध दाम्पत्याला महागात पडलं. साधूच्या वेशात आलेल्या चोरट्यांनी पूजा करण्याच्या बहाण्याने दागिने आणि रोख १० हजार रुपये घेऊन वृद्ध दाम्पत्याला गंडा घातला. ही घटना नागपुरातील वाठोडा पोलीस ठाण्याच्या हद्दीतील दिघोरी येथील योगेश्वरीनगरात घडली. (Latest News)

साधूच्या वेशात आलेल्या व्यक्तींमध्ये एकजण पुरुष होता तर एक महिला होती. या दोघांनी वृद्ध जोडप्याच्या भोळ्यापणाचा फायदा घेत त्यांची फसवणूक केलीय. साधूरराम बळीराम दमाहे (वय ६६) असे वृद्धाचे नाव आहे. साधूराम दमाहे यांची आणि पत्नी यांच्या प्रकृती ठीक राहत नसल्याने त्यांनी साधूंकडून उपाय घेण्याचं ठरवलं. दरम्यान अनेक ठिकाणी जाऊन त्यांनी त्यांच्या प्रकृतीविषयी उपचार घेतले.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पण त्याचा काही फायदा झाला नाही. यामुळे आता काही चत्मकारिक शक्तीचं आपली समस्या ठीक करेल असं त्यांना वाटू लागलं. त्याचदरम्यान त्यांच्या गावात साधू वेशधारी पुरूष आणि एक महिला येत होते. त्यांच्याकडून आपण उपाय जाणून घ्यावा असं वृद्ध जोडप्यानं ठरवलं. बनावट सांधूंना या दाम्पत्यानं बोलवलं तेव्हा त्यांच्या घरात अनिष्ट शक्तीचे वास्तव्य आहे. त्यामुळे तुम्हाला पूजा करावी लागेल, असं या बनावट सांधूंनी सांगितलं.

या अनिष्ठ शक्ती बाहेर काढण्यासाठी घरात पूजा करावी लागेल असा सल्ला दिला. यावेळी साधूराम यांना नारळ देत, ते शंकराचा मंदिरात फोडण्यास सांगितले. याशिवाय त्यांच्या पत्नीला पूजेत ठेवण्यासाठी घरातील दागिने आणि पैसे आणण्यास सांगितले. त्यातून त्यांनी घरातील सोन्याचे दागिने व रोख १० हजार रुपये पूजेसाठी दोघांनाही आणून दिले.

त्यावेळी या चोरांनी साधूराम यांच्या पत्नीला घरातील देवघरात पाठवून दागिने आणि पैसे घेऊन पळून गेले. परत येताच दोघेही न दिसल्याने त्यांना आपली फसवणूक झाल्याचं त्यांच्या लक्षात आलं.