पराग ढोबळे, नागपूर|ता. २० जून २०२४

नागपुरमधून एक धक्कादायक बातमी समोर आली आहे. नागपूर शहरातील सेमिनरी हिल्स परिसरातील एका घरामध्ये पती- पत्नीचा मृतदेह आढळल्याने एकच खळबळ उडाली आहे. दीपक गजभिये आणि विद्या गजभिये अशी मृतदेह आढळलेल्या दांपत्याची नावे आहेत.

याबाबत सविस्तर माहिती अशी की, नागपूर शहरातील सेमिनरी हिल्स परिसरात एअर फोर्समध्ये काम करणारे कर्मचारी आणि पत्नीचा मृतदेह आढळून आला. या धक्कादायक घटनेने परिसरात एकच खळबळ उडाली असून घातपात की आत्महत्या याबाबतचा अधिक तपास आता सुरू आहे. दीपक गजभिये आणि विद्या गजभिये अशी मृत दांपत्यांची नावे आहेत.

समोर आलेल्या माहितीनुसार, दिपक गयभिये हे एअरफोर्समधील कर्मचारी आहेत तर पत्नी विद्या या गृहिणी असल्याचे सांगण्यात येत आहे. काही वर्षांपासून विद्या गजभिये या अर्धांगवायूने त्रस्त होत्या. त्यांचा मुलगा आणि मुलगी कामानिमित्त बाहेर केले होते. ते परत आल्यानंतर आई- वडिल मृतावस्थेत आढळून आले.

मुलगा- मुलगी घराबाहेर गेल्यानंतर या दोघांनीही आत्महत्या केल्याचा प्राथमिक अंदाज वर्तवण्यात येत आहे. याबाबतची माहिती मिळताच पोलिसांनी घटनास्थळी धाव घेत मृतदेह ताब्यात घेतले. याबाबतचा अधिक तपास सुरू आहे.