उत्तर प्रदेशच्या हापूडमधून एक धक्कादायक प्रकरण समोर आलं आहे. पतीने पत्नी आणि तिच्या बॉयफ्रेंडला हॉटेलमध्ये रंगेहाथ पकडलं. या घटनेने परिसरात एकच खळबळ उडाली.

पती आणि त्याच्या नातेवाईंकांनी अचानक हॉटेल गाठलं. त्यावेळी पत्नी तिच्या बॉयफ्रेंडसोबत बेडवर नग्न अवस्थेत होती. पत्नी आणि तिच्या बॉयफ्रेंडला पाहून नवरा भडकला. त्याने आणि त्याच्या नातेवाईकांनी बॉयफ्रेंडला झोडपलं. त्यानंतर बॉयफ्रेंड कपडे न घालताच रस्त्यावर पळत सुटला. या बॉयफ्रेंडचा व्हिडिओ सोशल मीडियावर व्हायरल झाला आहे. त्यानंतर पत्नीने स्वत:ला बाथरुममध्ये कोंडून घेतलं.

मिळालेल्या माहितीनुसार, गढमुक्तेश्वर कोतवाली भागातील मोहल्ला गड चौपला ही घटना आहे. महिला आणि तिच्या पतीचं मागील काही दिवसांपासून वादविवाद सुरु होते. महिलेने पतीच्या कुटुंबीयांच्या विरोधात तक्रार देखील नोंदवली होती.

पतीला पत्नीच्या चारित्र्यावर संशय होता. पतीचा गुरुवारी पत्नीवरील संशय अधिक बळावला. त्याने घराबाहेर निघालेल्या पत्नीचा पाठलाग केला. पत्नी अचानक एका हॉटेलमध्ये गेली. हॉटेलमधील एका रुममध्ये पत्नी आणि तिचा बॉयफ्रेंड होते.याच रुममध्ये नवऱ्याने अचानक एन्ट्री केली.

नवऱ्याला पाहून पत्नी बाथरुममध्ये लपली. तर तिचा बॉयफ्रेंड तावडीत सापडला. पती आणि त्याच्या नातेवाईकांनी बॉयफ्रेंडला मारहाण केली. बॉयफ्रेंडने त्यांच्या तावडीतून पळ काढला. बॉयफ्रेंडने नग्न अवस्थेतच हॉटेलमधून पळाला. बॉयफ्रेंडचा पळतानाचा व्हिडिओ सोशल मीडियावर व्हायरल झालाय. पोलीस या प्रकरणी पुढील तपास करत आहे.