खामगाव शहरात बस स्टँड परिसरात अत्यंत वर्दळीच्या ठिकाणी हॉटेल चालकाची हत्या करण्यात आली. हा हत्येचा थरारक व्हिडिओ सध्या समाज माध्यमातून व्हायरल हाेत आहे. एका क्लब मध्ये जिंकलेल्या पैशाच्या वादातून ही हत्या झाल्याचा प्राथमिक अंदाज व्यक्त केला जात आहे. पाेलिस घटनेचा तपास करीत आहेत.

खामगाव आणि शेगाव परिसरात वाढलेल्या अवैध धंद्यांचा परिणाम काल रात्री पुन्हा एकदा खामगावकरांना अनुभवायला मिळाला आहे. खामगाव बस स्थानक समोर अतिशय वर्दळीच्या ठिकाणी चार जणांनी हॉटेल व्यवसायिक प्रकाश सोनी यांची चाकूने भोसकून हत्या केली.

या घटनेबाबत मिळालेल्या माहिती अशी - सोनी यांनी परिसरात एका क्लब मध्ये मोठी रक्कम जिंकली होती. त्यातूनच हा वाद उद्भवला. त्यानंतर प्रकाश सोनी यांची नागरिकांच्या समोर चौघांनी चाकूने भोसकून हत्या केल्याचा थरार खामगाव बस स्थानकासमोर रात्री घडला.

या हत्येचा थरारक व्हिडिओ व्हायरल झाला आहे. पोलिसांनी तत्काळ यातील तिघांना अटक केली. एका मारेक-याचा शाेध सुरु आहे. दरम्यान खामगाव, शेगाव परिसरात सुरू असलेले क्लब व अवैध व्यवसायामुळे पुन्हा एकदा नागरिकांना हत्येचा थरार बघायला मिळाला आहे.

Edited By : Siddharth Latkar