संजय जाधव, साम प्रतिनिधी

जळगावच्या गाडेगाव येथील महामार्गावर 15 ते 20 अर्धनग्न तरुणांनी गाड्या अडवून त्यांच्यावर दगडफेक केल्याची घटना घडली. जळगाव ते छत्रपती संभाजीनगर महामार्गावरील गाडेगावात असलेल्या सुप्रीम कंपनी जवळ ही घटना घडली. या हल्ल्यात अनेक वाहनांचे नुकसान झाले आहे.

या घटनेत 15 ते 20 अर्धनग्न तरुण हातात तलवारी घेतल्या होत्या. या तरुणांनी अंडी आणि दगडफेक करत गाड्यांवर हल्ला केला. यात अनेक वाहनांचे काचा फुटल्या असल्याची माहिती प्रत्यक्षदर्शी नागरिक तसेच महिलांनी दिली. याबाबत रस्त्यावरून याबाबत या महामार्गावरून जात असलेल्या काही नागरिकांनी पोलिसात तक्रार देत कारवाईची मागणी केलीय. दरम्यान या घटनेमुळे परिसरातील नागरिकांसह ग्रामस्थांमध्ये भीतीचे वातावरण निर्माण झाले आहे.

प्रथमदर्शींनी दिलेल्या माहितीनुसार, १५ ते २० तरुण सुप्रीम कंपनीच्या पुढे दबा धरून बसले होते. महामार्गावरून येणाऱ्या जाणाऱ्या वाहनांना अडवून त्यांच्यावर त्यांनी दगडफेक केली. तर काही गाड्यांवर अंडी फेकली. यात वाहनांचे नुकसान झाले आहे. प्रवाशांमध्ये दहशतीचे वातावरण आहे.