तामिळनाडूमधून धक्कदायक बातमी समोर आली आहे. एका तरुणाला त्याच्या सासरच्या मंडळींनी लग्नाच्या ३ महिन्यानंतर त्याची निर्घृणपणे हत्या केली आहे. धक्कादायक म्हणजे ही हत्या आंतरजातीय विवाहाच्या वादातून झाल्याचं उघडकीस आलं आहे. याप्रकरणी तरुणाच्या सासरच्या मंडळींविरोधात गुन्हा दाखल करण्यात आला आहे. मृत तरुणाचं नाव रामचंद्रन असं आहे.

मिळालेल्या माहितीनुसार, तामिळनाडूच्या दिंडीगुल जिल्ह्यात एका गावात राहणारा रामचंद्रन हा दूध विक्रीचा व्यवसाय करायचा. यादरम्यान सोशल मीडियाद्वारे त्याची ओळख बीकॉमच्या दुसऱ्या वर्षात शिकणाऱ्या आरतीशी झाली. सुरुवातीला या दोघांमध्ये घट्ट मैत्री झाली. त्यानंतर या मैत्रीचे रूपांतर प्रेमात झाले. आरती आणि रामचंद्रन दोघेही वेगवेगळ्या जातीचे होते. या दोघांनीही घरच्यांच्या विरोधात जाऊन लग्नाचा घाट घातला.

घरच्यांच्या मानविरोधात जाऊन लग्न केल्याने आरतीच्या कुटुंबियांच्या मनात राग खदखदत होता. या रागाच्या आहारी जाऊन आरतीच्या वडिलांनी दुचाकीवरून कुझीपट्टीला जाणाऱ्या रामचंद्रनला वाटेत अडवले. त्यांच्यामध्ये जोरदार भांडण झाली. आरतीच्या वडिलांच्या मनात असलेल्या रागात धारदार शास्त्राने रामचंद्रनच्या डोक्यावर, हातावर आणि पायांवर सपासप वार केले.

या हाणामारीत रामचंद्रन जागीच कोसळला. मात्र आरतीच्या वडिलांनी घटनास्थळावरुन पळ काढला. रामचंद्रन तसाच रक्ताच्या थारोळ्यात पडून होता. नागरिकांनी हे बघताच स्थानिक पोलिसांना कळवले. तोपर्यंत रामचंद्रन याचा जागीच मृत्यू झाला होता. पोलिसांनी घटनास्थळी धाव घेत रामचंद्रनचा मृतदेह ताब्यात घेतला आहे. रामचंद्रनचा मृतदेह शवविच्छेदनासाठी निलकोट्टई सरकारी रुग्णालयात पाठवला आहे. या प्रकरणी हत्येचा गुन्हा दाखल करण्यात आला आहे. पोलिस पथके फरार असलेल्या चंद्रनचा शोध घेत आहेत.