- रणजीत माजगावकर

Kolhapur News :

कोल्हापुरात पोलीस मुख्यालयातील पोलिसांच्या पेट्रोल पंपावर पैशांच्या वादातून चौघांनी ड्युटीवर असलेल्या साध्या वेशातील पोलिस कर्मचाऱ्यास मारहाण केल्याची धक्कादायक घटना घडली. या प्रकरणी दोघांना ताब्यात घेतले असून अन्य चौघांचा शोध सुरू असल्याची माहिती पोलिसांनी दिली. (Maharashtra News)

पाेलिसांकडून घटनेबाबत मिळालेली माहिती अशी : सोमवारी रात्री बाराच्या सुमारास एक कार डिझेल भरण्यासाठी आली. त्यावेळी कारमधील चौघांनी पैशांवरून कर्मचारी किरण आवळे याच्याशी वाद घातला.

ड्युटीवर असलेले कर्मचारी अल्ताफ कुरेशी यांनी चौघांची समजूत घालण्याचा प्रयत्न केला. पण डिझेल भरण्यासाठी आलेल्या तरुणांनी थेट हाणामारीला सुरुवात केली. तसेच निघून जाताना दगडफेक केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या हाणामारीत आणि दगडफेकीत कुरेशी आणि आवळे यांना दुखापत झाली. दरम्यान मारहाण करणाऱ्या दोघांना पकडले आहे. तसेच चौघांचा शोध सुरू असल्याचे पोलिसांनी सांगितले.

Edited By : Siddharth Latkar