Nanded Latest News : भौतिक सुखाच्या वस्तू न मिळाल्याने मुलांनी आत्महत्या केल्याच्या अनेक घटना घडल्या आहेत... मात्र नांदेडमध्ये अभ्यासासाठी वह्या, पुस्तकं आणि मोबाईल न मिळाल्याने बाप-लेकाने टोकाचा निर्णय घेतलाय.. त्यावरचा हा स्पेशल रिपोर्ट

वह्या-पुस्तकाचं कारण, बाप-लेकाचं मरण, खचलेल्या बापाची करुण कहाणी

हा आहे 17 वर्षाचा ओमकार पैलवार.... अभ्यासात हुशार....तो नांदेडच्या उदगीरमध्ये अकरावीत शिक्षण घेत होता.. त्यानं वह्या, पुस्तकं आणि अभ्यासासाठी मोबाईल घेण्याची मागणी आपल्या बापाकडे केली... मात्र अल्पभुधारक असलेले राजेंद्र पैलवार मुलाचा हट्ट पुरवू शकले नाहीत.. त्यामुळे नाराज झालेल्या ओमकारने शेतात जाऊन गळफास घेत जीवनयात्रा संपवली... मात्र हा घटनाक्रम इथंच थांबला नाही तर ओमकार पैलवारचा बाप राजेंद्र पैलवार मुलाचा शोध घेण्यासाठी शेतात गेला आणि समोरचं दृश्य पाहून त्यांच्या पायाखालची जमीनचं सरकली. झाडाला लटकत असलेला मुलाचा मृतदेह खाली उतरवून त्याच दोरखंडानं राजेंद्र पैलवार यांनी गळफास घेत मृत्यूला कवटाळलं.... त्यामुळे नांदेड जिल्हा हादरुन गेलाय... मात्र बाप लेकाच्या आत्महत्येआधी नेमकं काय घडलं होतं? पाहूयात....

ओमकार उदगीरमध्ये इयत्ता अकरावीत शिक्षण घेत होता

सुट्टीनिमित्त ओमकार घरी आला होता

ओमकारने आपल्या वडीलांकडे वह्या, पुस्तकं आणि मोबाईलसाठी हट्ट धरला

नापिकीमुळे हैराण झालेल्या राजेंद्र पैलवार यांनी मुलाची समजूत काढली

पण हट्ट पुरवला न गेल्याने मुलाने थेट शेतात जाऊन गळफास घेतला

मुलाचा मृतदेह पाहून त्याच दोरखंडानं बापानेही जीवनयात्रा संपवली

राजेंद्र पैलवार हे अल्पभूधारक शेतकरी... मुलाच्या शिक्षणासाठी जीव तोडून मेहनत करायचे... मुलाचा हट्ट पुरवण्यासाठी पैशांची जुळवा-जुळव करण्याचा प्रयत्न केला... मात्र ही जुळवा-जुळव न झाल्याने आधी -लेकाने आणि मुलाचीइच्छा पुरवता न आल्यानं नंतर बापानंही आत्महत्या केली.

नांदेडच्या बिलोलीतील मिनकीत बाप-लेकांच्या आत्महत्येच्या घटनेनंतर आकस्मात मृत्यूची नोंद करण्यात आलीय.. त्यामुळे हा मुद्दा संपूनही जाईल... मात्र नापिकी, शेतकरी आणि त्यांच्या मुलांची नैराश्यता यातून आत्महत्येसारखे टोकाचे निर्णय घेऊ नये, यासाठी समुपदेशन करण्याची गरज आहे.