अक्षय गवळी, साम प्रतिनिधी

अकोल्यात १४ वर्षीय अल्पवयीन मुलीवर २५वर्षीय तरुणाने अत्याचार केल्याची धक्कादायक घटना घडलीय. रात्री २ वाजताच्या सुमारास अकोला रेल्वे स्टेशन चौकातून या मुलीला सोबत नेत तिच्यावर अत्याचार झाला. या घटनेने अकोला जिल्हा हादरलाय. याप्रकरणी पोलिसात तक्रार दिल्यानंतर पोलिसांनी तपास सुरू केलाय. अत्याचार करणाऱ्या तरुणाची ओळख पटली असून त्याचा शोध पोलिसांकडू घेतला जात आहे.

मिळालेल्या माहितीनुसार, पीडिता आणि तिची मैत्रिण रेल्वे स्टेशन चौकात उभ्या होत्या. त्यावेळी नराधमाने तिला दुचाकीवरून नेलं. नराधमने मुलीने अकोट फैल भागात नेलं आणि तिच्यावर अत्याचार केला. त्यानंतर परत पीडितेला रेल्वे स्टेशन चौकात सोडलं. दरम्यान या घटनेवरून महिले सुरक्षेचा प्रश्न ऐरणीवर आलाय.

रात्री दोन वाजता दोघी अल्पवयीन मैत्रिणी रेल्वे स्टेशन चौकात उभ्या होत्या. याचवेळी एका २५ वर्षीय तरुणानं अल्पवयीन मुलीला दुचाकीवर बसवून तिला अकोट फैल भागात नेलं. तेथे त्याने तिच्यावर अत्याचार केला. पीडित अल्पवयीन मुलगी ही बुलढाणा जिल्ह्यातील खामगाव येथील रहिवासी आहे. पीडिता तिच्या मैत्रिणीकडे आली होती. अकोला रेल्वे स्थानक चौकात ती उभी होती. त्यावेळी नराधमाने तिला दुचाकीवर बसून अकोट फैल भागात नेलं. तेथे तिच्यावर अत्याचार केला . त्यामुळे स्टेशन चौकात गस्तीवर असणारे पोलीस काय करत होते? हाच प्रश्न या घटनेनंतर उपस्थित होतोय.