Bihar Minor Girl Gang Rape News बिहारमध्ये एका १६ वर्षीय मुलीवर सामूहिक बलात्कार केल्याची मोठी बातमी समोर आली आहे. याप्रकरणी दोघांविरोधात गुन्हा दाखल करण्यात आला आहे. धक्कादायक म्हणजे दोन तरुणांनी तिला ओलीस ठेवून हे कृत्य केल्याचं उघड झालं आहे. या घटनेने परिसरात खळबळ उडाली असून याप्रकरणी एका तरुणाला पकडण्यात पोलिसांना यश आले असून दुसर्याने घटनास्थळावरुन पळ काढला आहे. पोलीस त्याचा शोध घेत आहेत.

मिळालेल्या माहितीनुसार, एक प्रेमी युगुल दिल्लीहून बिहार येथे पळून आले होते. यादरम्यान ते मोतिहारी स्थानकांत थांबले असताना दोन तरुण त्यांच्याजवळ आले. त्यांनी त्या दोघांना आम्ही तुम्हाला राहण्यासाठी रूम देतो सांगून घेऊन जाण्याचा कट रचला. मात्र मुलीने त्यांना नकार दिला. असं असताना देखील आरोपी तरुणांनी त्यांना जबरदस्तीने येण्यास भाग पाडले.

त्यानंतर त्या दोघांना निर्जनस्थळी नेवून आरोपीने मुलीला खोलीत जाण्यास सांगितले आणि तिच्या बॉयफ्रेंडला आरोपी तरुणांनी सामान आणण्याच्या बहाण्याने दुसरीकडे पाठवले. इतक्यात दोन्ही तरुणांनी पीडित मुलीवर बलात्कार केला. पीडित मुलीच्या बॉयफ्रेंडला संशय आल्याने त्याने घरात घुसखोरी केली. त्यावेळेस आरोपींनी त्याला मारहाण केली. तरुणाने पळ काढून थेट पोलीस ठाणे गाठले. पोलिसांना घडलेली हकीकत सांगितली.

घटनेचं गांभीर्य लक्षात घेऊन पोलिसांनी तातडीने घटनास्थळ गाठले. यावेळेस तरुणी अर्धनग्न गंभीर अवस्थेत आढळली. रूममधील एका वॉशरूममध्ये तरुण अर्धनग्न अवस्थेत लपून बसलेला पोलिसांना आढळला. तर दुसरा आरोपी पोलिसांच्या हातातून निसटला. याप्रकरणी पोलिसांनी गुन्हा दाखल केला आहे. या घटनेने परिसरात खळबळ उडाली आहे.