Beed News :

घरगुती हिंसेची संतापजनक घटना बीडमधून समोर आली. दोन लाख रुपयांसाठी गर्भवती विवाहितेचा छळ करत, पोटावर लाथा मारत मारहाण करण्यात आलीय. मारहाणीनंतर अतिरक्त स्त्राव झाल्याने गर्भवती महिलेचा गर्भपात देखील झाला आहे. ही घटना बीड शहरातील बालपीर भागात उघडकीस आली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

साबिया इरफान शेख असं पीडित महिलेचं नाव आहे. तर याप्रकरणी पीडित साबीया यांच्या तक्रारीवरून पती, सासू आणि दीर यांच्यावर बीड शहरातील शिवाजीनगर पोलिस ठाण्यात गुन्हा दाखल करण्यात आला आहे.  (Latest Crime News)

याविषयी पीडितेने दिलेल्या तक्रारीवरून, 27 फेब्रुवारी 2024 रोजी रात्री 11 वाजण्याच्या दरम्यान पती इरफानने साबियाला घरात कोंडून लाथा-बुक्क्यांनी व लोखंडी पाइपने तिच्या हाता-पायावर, पाठीवर अमानुषपणे मारहाण केली. सासू शकिलाने जमिनीवर पाडून तिच्या डोक्यावर, पाठीवर आणि पोटावर लाथा- बुक्क्यांनी मारहाण केल्यामुळे साबियाचे डोक्याला देखील दुखापत झाली आहे.

या प्रकरणी दिलेल्या फिर्यादीवरून साबियाचा प्रचंड शारीरिक व मानसिक छळ करण्यात आला. तिच्या गर्भपातास कारणीभूत असल्याच्या आरोपावरून पती इरफान बाबू शेख, सासू शकीला बाबू शेख व दीर आमेर बाबू शेख या सर्वांविरोधात बीडच्या शिवाजीनगर पोलीस ठाण्यामध्ये भारतीय दंड संहिता 1860 अधिनियम प्रमाणे कलम 316, 323, 324, 504, 506, 498 (अ), 34 अन्वये गुन्हा दाखल करण्यात आलाय.