Beed News

बी फार्मसी झालेल्या 25 वर्षीय महाविद्यालयीन तरुणाने गळफास घेऊन आत्महत्या केली आहे. ही धक्कादायक घटना बीडच्या केज तालुक्यातील आडस गावात उघडकीस आली असून राजकुमार गणेश शिंदे (रा. आडस ता. केज) असं मयत तरुणाचं नाव आहे.

पोलिसांनी दिलेल्या माहितीनुसार, राजकुमार हा फार्मसिस्टचा पेपर देण्यासाठी जळगाव येथे गेला होता. त्यानंतर तो घरी परतलाच नाही. त्यामुळे काळजीत पडलेल्या त्याच्या आईने चौकशीसाठी फोन केला. मात्र त्यांने फोन उचलला नाही. त्याचं गावातच आणखी एक घर आहे. त्यामुळे राजकुमारच्या आईने गावातील आपल्या दुसऱ्या घरी जाऊन पाहिलं असता तिला धक्काच बसला. राजकुमारने गळफास घेऊन आत्महत्या केली होती आणि त्याचा मृतदेह लटकलेल्या अवस्थेत आढळून आला. सरोरचं दृष्य पाहून राजकुमारची आई जाग्यावर कोसळली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान याची माहिती पोलिसांना दिल्यानंतर पोलिसांनी घटनास्थळी दाखल होऊन पंचनामा केला आणि मृतदेह ताब्यात घेतला. याप्रकरणी बीडच्या केज पोलीस ठाण्यामध्ये मृत्यूची आकस्मिक नोंद करण्यात आली असून राजकुमार शिंदे याने नेमकी आत्महत्या का केली ? याचा तपास केज पोलीस करत आहेत.