आंध्र प्रदेशात एक धक्कादायक घटना घडलीय. एका महिलेनं अनैतिक संबंधात अडसर ठरणाऱ्या पतीची प्रियकराच्या मदतीने हत्या केली. बिर्याणीमध्ये नशेचा पदार्थ टाकून नवऱ्याला आधी बेशुद्ध केलं, त्यानंतर उशीनं गळा दाबून नवऱ्याची हत्या केली. धक्कादायक गोष्ट म्हणजे नवऱ्याची हत्या केल्यानंतर ती महिला मृतदेहाशेजारी बसून रात्रभर पॉर्न बघत राहिली, अशी माहिती पोलिसांनी दिलीय. आंध्र प्रदेशातील गुंटूर जिल्ह्यात असलेल्या चिलुवूरु गावात ही घटना घडलीय.

लोकम शिव नागराजू, असे हत्या झालेल्या व्यक्तीचे नाव आहे. आरोपी पत्नीचे नाव लक्ष्मी माधुरी असे आहे. तर तिच्या प्रियकराचे नाव गोपी आहे. लक्ष्मी आणि गोपीने मिळून लोकम शिव नागराजूची हत्या केली, असा आरोप करण्यात येत आहे. दरम्यान लोकम शिव नागराजू हा कांद्याचा व्यापारी होता. गोपी आणि लक्ष्मीने नागराजूची हत्येचा कट आखला होता, अशी पोलिसांनी दिलीय. ज्या दिवशी नागराजूची हत्या झाली, त्या माधुरीने नागराजूसाठी बिर्याणी बनवली होती. त्यात नशेचा पदार्थ टाकला होता.

पोलिसांनी दिलेल्या माहितीनुसार, आरोपी लक्ष्मी माधुरीचा नवरा लोकम शिवा नागराजू कांद्याचा व्यापारी होता. लक्ष्मी माधुरीनं आपल्या प्रियकरासोबत नागराजूच्या हत्येचा कट आखला होता, आणि त्यांनी त्यानुसार नागराजूची हत्या केली. हत्येच्या रात्री माधुरीने नागराजूसाठी बिर्याणी बनवली होती, त्यात नशेचं औषध मिसळले होते. त्यामुळे नागराजूला झोप आली.तो झोपलेला असताना रात्रीच्या साडेअकरा वाजता माधुरीचा प्रियकर गोपी हा त्यांच्या घरी गेला. त्यावेळी गोपी नागराजूच्या छातीवर बसला आणि त्याचे दोन्ही धरले. त्यानंतर माधुरीने उशीने नागराजूचे नाक आणि तोंड दाबून ठेवले, त्यात नागराजूचा मृत्यू झाला.

नागराजूचा मृत्यू खरंच झाल्याची शाश्वती झाल्यानंतर गोपी घराबाहेर पडला. त्यानंतर घरात फक्त माधुरी आणि तिच्या नवऱ्याचा मृतदेह होता. माधुरी रात्रभर मृतदेहाशेजारी बसून पॉर्न व्हिडिओ पाहू लागली. दुसऱ्या दिवशी ती शेजारच्यांकडे गेली त्यांना वेगळीच कहाणी सांगितली. रात्री नागराजूला हार्ट अटॅक आला त्यात त्याचा मृत्यू झाल्याची कहाणी तिने शेजारच्यांना सांगितली. परंतु लोकांना तिचं बोलणं खरं वाटत नव्हतं.

कारण माधुरीच्या घराशेजारी राहणाऱ्यांना नागराजू आणि लक्ष्मीचे दररोज होणारे भांडणं माहिती होती. लक्ष्मीचे अनैतिक संबंध असल्याची माहिती नागराजूला होती, त्यावरून दोघांमध्ये वाद होत असायचा. त्यामुळे त्यांना लक्ष्मीने सांगितलेल्या कहाणीवर विश्वास वाटत नव्हता. दरम्यान नागराजूच्या मित्रांना त्याच्या मृतदेहावर जखमा आणि कानाजवळ रक्त पडल्याचं दिसलं होतं. त्यानंतर त्यांनी पोलिसांनी त्याची माहिती दिली. त्यानंतर पोलिसांनी नागराजूच्या मृतदेहाचं पोर्टमार्टम केलं. यात नागराजूचा मृत्यू श्वास कोंडल्यानं झाल्याचं निष्पन्न झालं. तसेच त्याच्या छातीचे हाडं मोडली असल्याचं सुद्धा दिसून आलं.