ईलेक्ट्रिक स्कूटरची मागणी वाढत असल्यानं आता ऑटो कंपन्यांनी ईलेक्ट्रिक बाईक बनवण्यावर अधिक लक्ष केंद्रित करण्यास सुरुवात केलीय. काही कंपन्या ग्राहकांसाठी हाय-स्पीड ईलेक्ट्रिक स्कूटर बनवत आहेत. तर काही कंपन्या कमी-स्पीड असलेल्या स्कूटर लाँन्च करत आहेत. आता Zelio E Mobility नं सर्व सामान्य ग्राहकांना लक्षात घेत कमी बजेटची झेलिओ ग्रेसी प्लस नावाची एक नवीन स्कूटर लाँन्च केलीय. या स्कूटरचं नाव Zelio Gracy Plus आहे.

शानदार आहेत फीचर्स ( Zelio Gracy Plus electric scooter with 130 km range and low price)

या स्कूटरला दोन बॅटरी पर्याय देण्यात आली आहेत. तर १८५ मिमी ग्राउंड क्लिअरन्स असून या स्कूटरची १५० किलोपर्यंत वजन वाहून नेण्याची क्षमता आहे. उच्च ग्राउंड क्लिअरन्स आणि आरामदायक रायडिंगमुळे ही स्कूटर अनेकांच्या पसंतीस उतरेल. ही ईलेक्ट्रिक स्कूटर व्यावसायिक व्यक्ती, विद्यार्थी आणि डिलिव्हरीचे कामे करणाऱ्यांसाठी शानदार ठरणार आहे. या ग्राहकांना केंद्रीत करत स्कूटरची डिझाइन करण्यात आले आहे.

ताशी २५ किमी वेगाने धावणाऱ्या या कमी गतीच्या इलेक्ट्रिक स्कूटरमध्ये ६०/७२ व्ही बीएलडीसी मोटर आहे. ही स्कूटर एकदा चार्ज केल्यानंतर सुमारे १.८ युनिट वीज घेते, असा कंपनीने दावा केलाय. लिथियम आयन बॅटरी व्हेरिएंटची स्कूटर ४ तासात चार्ज होते. तर जेल बेस्ड व्हेरिएंटची स्कूटर ८ ते १२ तासात चार्ज होते. मात्र एकदा चार्ज केल्यानंतर तुम्ही १३० किमी पर्यंतचा प्रवास सहजगत्या पूर्ण करू शकतात.

लिथियम-आयन बॅटरी व्हेरिएंट स्कूटरची (60V/30AH) किंमत 65,000 रुपये (एक्स-शोरूम) आहे. या प्रकारातील स्कूटर एका चार्जवर 110 किमी पर्यंतची रेंज देते. 74V/32AH व्हेरिएंटची स्कूटर तुम्हाला 69,500 रुपयांत मिळेल. या प्रकारातील स्कूटर एका चार्जवर 130 किमी पर्यंतची रेंज देईल.

जेल-आधारित बॅटरी असलेल्या प्रकाराच्या स्कूटरची किंमत ५४,००० रुपये (एक्स-शोरूम) आणि ६१,००० रुपये (एक्स-शोरूम) आहे. ते अनुक्रमे ८० किमी आणि १३० किमीची रेंज देतात. दरम्यान कंपनी स्कूटरवर दोन वर्षांची वॉरंटी, लिथियम आयन बॅटरीवर तीन वर्षांची आणि जेल आधारित व्हेरिएंटवर एक वर्षाची वॉरंटी देत आहे. सध्या, कंपनीकडे देशभरात ४०० हून अधिक डीलरशिप (शोरूम) आहेत, ज्या २०२५ च्या अखेरीस १००० आउटलेटपर्यंत नेणार असा कंपनीचा प्लॅन आहे.