सरकारी नोकरी मिळावी हे प्रत्येकाचं स्वप्न असतं. लोक अनेक परिक्षा उत्तीर्ण होऊन चांगल्या पदावर कामावर रुजू होतात. तुम्हीही जर अशा नोकरीच्या शोधात असाल तर ही माहिती तुमच्याचसाठी आहे. नुकतीच संघ लोकसेवा आयोग म्हणजेच (UPSC)मध्ये विविध पदांसाठी भरती सुरु केली आहे. तुम्हाला जर याची संपूर्ण माहिती हवी असेल तर बातमी शेवटपर्यंत नक्की वाचा.

नुकतीच UPSC आयोगाने 2026 साठी विविध मंत्रालयांअंतर्गत अनेक पदासांठी भरती सुरु केली आहे. यामध्ये ज्या उमेदवारांची निवड केली असेल, त्यांना संस्कृती मंत्रालय, संरक्षण मंत्रालय, मत्स्यव्यवसाय, पशुसंवर्धन आणि दुग्धव्यवसाय मंत्रालय अशा विभागांमध्ये काम करण्याची संधी मिळणार आहे.

भरतीची शेवटची तारिख कोणती?

ज्या इच्छूक उमेदवाराला या पदांवर काम करण्याची इच्छा आहे. त्यांनी UPSC च्या अधिकृत वेबासाइटला भेट द्यावी लागेल. तसेच या भरतीची प्रक्रिया तारिख ११ एप्रिल २०२६ पासून सुरु झाली आहे. तर याची शेवटची तारिख ही १ मे २०२६ संध्याकाळी ६ वाजेपर्यंत असेल. याची प्रोसेस ही ऑनलाइन पद्धतीने केली जाणार आहे. पण उमेदवारांनी लवकरात लवकर यासाठी अर्ज करणं फायद्याचं राहील. कारण शेवटच्या दिवसांमध्ये वेबसाउटवर जास्त लोड आल्या कारणामुळे तुम्हाला अर्ज करताना खूप अडचणींना सामोरं जावं लागू शकतं.

कोणत्या पदांसाठी भरती आहे?

UPSC आयोगाची भरती ही एकूण १६ पदांसाठी असणार आहे. यामध्ये विविध विभाग असतील. असिस्टेंट कीपरसाठी १ पद, सीनिअर स्टोर ऑफिसर ग्रेड २ साठी ७ पदे तर लाइव्हस्टॉक ऑफिसरसाठी ८ पदांची भरती असणार आहे. उमेदवार त्यांच्या इच्छेनुसार आणि पात्रतेनुसार कोणत्याही पदासाठी अर्ज करु शकतो.