सध्याच्या काळात रोज असंख्य लोक यूपीआयचा वापर करतात. अवघ्या काही सेकंदात तुम्ही पैसे ट्रान्सफर करु शकतात. यूपीआयचा वापर दिवसेंदिवस वाढत आहेत. भाजीवाल्यापासून ते इन्व्हेस्टमेंट करण्यापर्यंत सर्व गोष्टींसाठी यूपीआय पेमेंटचा वापर करतात. दरम्यान, यूपीआय पेमेंट करताना विशेष काळजी घ्यायची असते. तुम्ही यूपीआय पेमेंट ओळखीच्या व्यक्तीला करत आहात की नाही याची खात्री करा.

अनेकदा यूपीआय पेमेंट करताना तुम्ही चुकीच्या अकाउंटवर पैसे ट्रान्सफर करतात. यामुळे तुमचे पैसे वेगळ्याच व्यक्तीच्या खात्यात जमा होतील. दरम्यान, अशा परिस्थितीत काय करावे, हे अनेकांना माहित नसतं. तुम्ही तुमचे पैसे परत मिळवू शकता.

या गोष्टी करा (How to Recover Money Transferred to Wrong UPI Address?)

तुम्ही ज्या व्यक्तीला पैसे पाठवले आहेत त्याच्याशी संपर्क करण्याचा प्रयत्न करा. त्या व्यक्तीशी संपर्क झाल्यावर त्याला घडलेल्या सर्व प्रकाराची माहिती द्या. माझ्याकडून चुकून तुम्हाला पैसे ट्रान्सफर झाले आहे, असं सांगा. अनेकदा लोक इमानदारीत तुमचे पैसे परत करतात.

बँकेशी संपर्क करा (Wrong UPI transaction refund)

जर समोरच्या व्यक्तीने पैसे द्यायला नकार दिला तर तुम्ही बँकेशी संपर्क करु शकतात. तुम्ही यूपीआय अॅपवरुन Report Issue किंवा Raise Complaint हा ऑप्शन निवडू शकतात. यानंतर तुमची तक्रार नोंदवली जाईल. तुम्ही BHIM अॅप किंवा NPCI च्या वेबसाइटवर जाऊनदेखील तक्रार करु शकता.

जर बँकेकडून तुम्हाला अपेक्षित उत्तर मिळाले नाही तर अधिकाऱ्यांकडे तक्रार करु शकतात. प्रत्येक बँकेत तक्रार निवारण कक्ष असतो. ते तुम्हाला मदत करतात. या प्रक्रियेसाठी थोडा वेळ लागेल परंतु ही प्रक्रिया करु शकतात.

जर तुमचे बँकेकडूनदेखील काम झाले नाही तर तुम्ही RBI च्या Complaint Management Systemद्वारे तक्रार करु शकतात.याअंतर्गत Integrated Ombudsman Scheme मध्ये तुमच्या तक्रारीची नोंद करु शकतात.