Upcoming SUV:
या वर्षी भारतात अनेक नवीन वाहने लाँचसाठी सज्ज आहेत. पुढील 2-3 महिन्यांत तुम्हाला अनेक नवीन मॉडेल्स दिसतील. एका रिपोर्ट्सनुसार, टाटा मोटर्स आणि सिट्रोएन त्यांच्या नवीन SUV लॉन्च करणार आहेत. जर तुम्ही नवीन SUV घेण्याचा विचार करत असाल तर थोडं थांबा. कारण आम्ही तुम्हाला काही अपकमिंग एसयूव्हीबद्दल सांगणार आहोत.
टाटा मोटर्स या वर्षी ऑगस्टमध्ये आपली नवीन Curvv लॉन्च करणार आहे. ही एक इलेक्ट्रिक कूप असेल जी मोठ्या बॅटरीसह येईल. ही कार पूर्ण चार्ज केल्यावर 500 किलोमीटरची रेंज देऊ शकते, असं बोललं जात आहे.
भारतात याची स्पर्धा मारुती सुझुकी eVX आणि Hyundai Creta EV शी होईल. Curvv ही भारतातील पहिली परवडणारी SUV असेल. अलीकडेच टाटाने नवीन Curvv सादर केली आणि त्याच्या डिझाइनने सर्वांना आकर्षित केले. त्यात अनेक जबरदस्त फीचर्स देण्यात आले आहेत.
Citroen ची नवीन Basalt SUV देखील याच वर्षी ऑगस्टमध्ये लॉन्च होणार आहे. अलीकडेच कंपनीने या नवीन मॉडेलच्या डिझाइनचे अनावरण केले. या नवीन मॉडेलची खरी स्पर्धा टाटा मोटर्सच्या आगामी Curvv शी असेल.
नवीन Basalt सीएमपी प्लॅटफॉर्मवर तयार केले जाईल. यामध्ये कंपनीची सध्या बाजारात उपलब्ध असलेल्या Citroen C3 Aircross सारखेच फीचर्स मिळू शकतात. भारतात या नवीन मॉडेलची विक्री येत्या काही महिन्यांत सुरू होऊ शकते. नवीन Basalt मध्ये 1.2 लीटर टर्बो पेट्रोल इंजिन मिळू शकते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.