केंद्र सरकार १ एप्रिलपासून युनिफाइड पेन्शन स्कीम (Unified Pension Scheme) लागू करणार आहे. या नवीन पेन्शन योजनेत कर्मचाऱ्यांना खूप फायदा होणार आहे. कर्मचाऱ्यांना सेवानिवृत्तीनंतर दर महिन्याला ठरावीक रक्कम मिळणार आहे. केंद्र सरकारने राष्ट्रीय पेन्शन सिस्टीमअंतर्गत युनिफाइड पेन्शन स्कीमची घोषणा केली होती. ही स्कीम १ एप्रिलपासून लागू होणार आहे. याचा फायदा सरकारी कर्मचाऱ्यांना होणार आहे. जे कर्मचारी आधीच नॅशनल पेन्शन स्कीमअंतर्गत रजिस्टर केले आहे त्यांनाच या योजनेचा फायदा घेता येणार आहे.

UPS स्कीम आहे तरी काय? (What Is UPS Scheme)

युनिफाइड पेन्शन स्कीमअंतर्गत आता केंद्रिय कर्मचाऱ्यांना निश्चित पेन्शन मिळणार आहे. रिटायरमेंटच्या शेवटच्या वर्षातील बेसिक सॅलरीच्या ५० टक्के रक्कम पेन्शन म्हणून दिली जाणार आहे. यासाठी कर्मचाऱ्यांनी कमीत कमी २५ वर्षे सर्व्हिस केलेली असणे गरजेचे आहे. जर त्या व्यक्तीचा मृत्यू झाला तर त्याच्या कुटुंबियांना ६० टक्के पेन्शन मिळते. तसेच मिनिमन एश्योर्ड पेन्शन दिली जाते. जर कोणी १० वर्षांपर्यंत नोकरी केली असेल तर त्यांना १० रुपये पेन्शन मिळणार आहे.

सरकार किती योगदान देणार?

एनपीएसअंतर्गत केंद्रीय कर्मचाऱ्यांना सरकारकडून १० टक्के योगदान मिळायचे. दरम्यान आता यूनिफाइड पेन्शन स्कीमअंतर्गत १४ टक्के योगदान सरकारकडून दिले जाते. या योजनेचा फायदा २३ लाख कर्मचाऱ्यांना होणार आहे.

यूनिफाइड पेन्शन स्कीमअंतर्गत महागाई भत्तादेखील पेन्शनमध्ये जोडला जाणार आहे. तसेच रिटायरमेंटवर एकरकमी पैसे दिले जाणार आहे. या योजनेचा फायदा अनेक कर्मचाऱ्यांना होणार आहे.

२५ जानेवारी २०२५ रोजी सरकारने या स्कीमबाबत माहिती दिली होती. जे कर्मचारी एनपीएसअंतर्गत येतात तेदेखील हा ऑप्शन निवडू शकतात. यूपीएस स्कीम निवडणारे कर्मचारी इतर पॉलिसी, पॉलिसी चेंज किंवा फायनान्शियल बेनिफिटचा लाभ घेऊ शकणार नाही.