महाराष्ट्रात लाडकी बहिण योजना सुरु करण्यात आली असून या योजनेचा अनेक महिलांनी लाभ घेतला आहे. लाडक्या बहिणीच्या पैशांमधून तुम्हाला अजून पैसे कमवायचे असतील तर आज आम्ही तुम्हाला एक बिझनेस आयडिया देणार आहोत. या बिझनेसमध्ये तुम्ही पैसे गुंतवून अजून पैसे कमावू शकणार आहात. हा बिझनेस कोणता आहे ते पाहूयात.

हा व्यवसाय मेणबत्ती उत्पादनाचा आहे. यामध्ये तुम्ही घरी बसून काम करू शकता. नंतर तुम्ही त्याचा विस्तार देखील करू शकता. यामध्ये तुम्हाला त्यासंबंधी आवश्यक माहिती मिळवून तुम्ही हा व्यवसाय सुरू करू शकता. हा व्यवसाय शिकल्यानंतरच करावा, अन्यथा तुमचे उत्पादन खराब होऊ शकतं.

कशी बनवायची मेणबत्ती?

मेणबत्ती तयार करण्यासाठी तुम्हाला मेण लागेल. हे मेण तुम्हाला गरम करावं लागणार असून ते 290 अंश ते 380 अंशांवर वितळावावं. यानंतर, मेण मोल्डमध्ये ओतलं जातं आणि ते थंड झाल्यानंतर, ड्रिल मशीनद्वारे किंवा जाड सुईद्वारे एक धागा जोडला जातो. त्यावर गरम मेण ओतून मेणबत्ती तयार केली जाते.

मेणबत्ती बनल्यानंतर ती पॅक करा. तुम्ही हा बिझनेस छोट्या जागेतही सुरु करू शकता. पण यासाठी तुम्हाला चांगली पाहिजे. याशिवाय, तयार मेणबत्ती देखील स्टोअर करणं आवश्यक आहे. त्यासाठी तुम्ही जागेची व्यवस्था केली पाहिजे.

किती गुंतवणूकीची गरज असेल?

हा व्यवसाय करण्यासाठी जास्त पैशांची गुंतवणूक लागत नाहीत. थोडे पैसे देऊनही तुम्ही व्यवसाय सुरू करू शकता. तुम्ही 10,000 ते 50,000 रुपये गुंतवून मेणबत्ती व्यवसाय सुरू करू शकता. मिळालेल्या माहितीनुसार, मेणबत्तीचा व्यवसाय ८ टक्के दराने वाढतोय.

नफा किती होणार?

मेणबत्ती व्यवसायात खर्च खूप कमी असतो. जर तुम्ही एक मेणबत्तीचे पाकीट 100 रुपयांना विकलं आणि त्यात 20 मेणबत्त्या ठेवल्या तर कोणत्याही सिझनमध्ये तुम्हाला चांगला नफा मिळू शकतो. यातून होणारा खर्च काढून टाकला तर तुम्ही दर महिन्याला मोठी कमाई करू शकता.