अक्षय गवळी, साम टीव्ही प्रतिनिधी

शेतकरी हा नेहमीच आपल्या शेतीत काहीतरी नवीन प्रयोग करत असतात. अनेकदा शेतीत वेगवेगळ्या पिकांची लागवड करत असतात. अकोल्यात पहिल्यांदाच रंगीबेरंगी फुलकोबीची लागवड करण्यात आली आहे. बीएससीचं शिक्षण घेतलेल्या 26 वर्षीय तरुणाने हा प्रयोग केलाय. पिवळ्या, पांढऱ्या, हिरव्या, गुलाबी, केशरी अशा अनेक 8 प्रकारच्या रंगाच्या कोबीची लागवड करण्यात आली. (Success Story)

अकोला जिल्ह्यातील तेल्हारा तालुक्यातल्या माळेगाव येथील अंकित उत्तम म्हसाळ असे या कोबी उत्पादक शेतकऱ्याचे नाव आहे. त्याच्या या प्रयोगमुळं लोकांसह शेतकऱ्यांना आश्चर्य वाटतोय. खूप कमी वयात त्याने शेतीत काहीतरी नवीन प्रयोग करण्याचे धाडस केले आणि त्यात ते यशस्वी झाले. (Success Story Of Akola Farmer)

दरम्यान,अंकितने 3 एकरात विविध रंगाची कोबीची लागवड केलीये अंकितला एकरमागे 1 लाख रुपयांपर्यंत लागवड खर्च लागला आहे. त्यातून अंकित एकरमागे 3 लाख रुपये उत्पन्न घेतोय. अवघे तीन महिन्यात अंकितने 3 एकरातून नऊ लाखाचे उत्पन्न घेतले.. विशेष म्हणजे या रंगीबेरंगी कोबीचे सेवन करण्याचे अनेक फायदे असल्याचंही अंकितने सांगितले आहे.

पांढरी फुलकोबी, केशरी फुलकोबी, जांभळी फुलकोबी, ब्रोकोली, हिरवी फूलगोभी, लाल पत्ताकोबी, हिरवी पत्ताकोबी आणि लेटूसचा यात समावेश आहे. ब्रोकलीला 100 ते 150 किलोप्रमाणे बाजारात भाव मिळतो आहेय. तर केशरी आणि गुलाबी फुलकोबी याशिवाय गुलाबी पत्तागोबीला 100 ते 120 किलोप्रमाणे भाव मिळतोय. विशेष म्हणजे हा भाव शेतकरी ते ग्राहक विक्रीतून मिळत असल्याचे अंकित वडील सांगत आहेत. ते अंकितला कोबी तोडण्यापासून बाजारात विक्रीसाठी हातभार लावत आहेत.