आयुष्यात प्रत्येक व्यक्ती काही न काही कारणासाठी संघर्ष करत असतो. आयुष्यात कितीही अपयश आले तरीही जो व्यक्ती सतत प्रयत्न करतो तो यशस्वी होतो. असंच काहीस आयएएस के जयगणेश यांच्यासोबत झालं.

के जयगणेश यांचे बालपण खूप गरिबीत गेले. त्यांना सलग ६ वेळा परिक्षेत अपयश आले. त्यांनी आयबीमधील नोकरी नाकारली. त्यांना आयएएस व्हायचे होते. शेवटची त्यांनी ७ व्या प्रयत्नात १५६ रँक मिळवली. आज ते आयएएस अधिकारी म्हणून रुजू आहेत.

के जयगणेश हे मूळचे तमिळनाडूतील वेल्लोर जिल्ह्याचे रहिवासी. त्यांच्या कुटुंबाची आर्थिक परिस्थिती काही चांगली नव्हती. त्यांचे वडील फॅक्टरीमध्ये कामाला होते. त्यांच्या पगारातून कुटुंबियांचा खर्चदेखील भागत नव्हता. परंतु त्यांनी या परिस्थितीवर मात करण्याचा निर्णय घेतला. (Success Story Of K Jaiganesh)

आयएएस के जयगणेश यांनी आपल्या गावी १०वी पास केली. त्यांनी पॉलिटेक्निक कॉलेजमध्ये अॅडमिशन घेतले. त्यांनी मेकॅनिकल इंजिनियरिंग केले. त्यांनी कॉलेज झाल्यानंतर २५०० रुपयांची नोकरी केली. या पगारातून त्यांच्या कुटुंबाचे पालनपोषण होत नव्हते. त्यानंतर त्यांनी आयएएस अधिकारी व्हायचे ठरवले. त्यांनी यूपीएससी परीक्षा दिली.

देशात लाखो विद्यार्थी यूपीएससी परीक्षा देतात. परंतु पहिल्याच प्रयत्नात खूप कमी लोक यशस्वी होतात.परंतु कितीही अपयश आले तरीही जो व्यक्ती प्रयत्न करतो त्याला यश हे येते. असंच काहीसं के जयगणेश यांच्यासोबत झालं. (K Jaiganesh)

त्यांना यूपीएससी परिक्षेत अनेकदा अपयश आले. त्यांनी ६ वेळा परीक्षा दिली. परंतु सहा वेळा ते अपयशी ठरले. त्यामुळे त्यांच्यावर मानसिक दबाव होता. ६ व्या प्रयत्नानंतर त्यांना इंटेलिजेंस ब्युरोमध्ये त्यांची निवड झाली. इंटेलिजेंस ब्युरोची नोकरी केल्यानंतरदेखील त्यांनी यूपीएससी परीक्षा द्यायचे ठरवले. परंतु त्यांनी ७ व्या प्रयत्नात मोठ्या जिद्दीने यूपीएससी परीक्षा क्रॅक केली. त्यांनी १५६ वी रँक मिळवली.

आयुष्यात प्रत्येकाला कोणत्या न कोणत्या वळणावर अपयश हे येते. प्रयत्न सोडून द्यावेसे वाटतात. परंतु त्या अपयशावर मोठ्या जिद्दीने जो व्यक्ती मात करतो तोच यशस्वी ठरतो. हेच के जयगणेश यांनी संपूर्ण जगाला दाखवून दिले. (UPSC Success Story)