यूपीएससी ही देशातील सर्वात अवघड परीक्षा आहे. यूपीएससी परिक्षेसाठी अनेक लोक तयारी करतात. यूपीएससी परीक्षा देणे हे अनेकांचे स्वप्न असते. अनेकजणांनी लाखोंच्या पगाराची नोकरी सोडून यूपीएससी परीक्षा दिली आहे आणि सरकारी अधिकारी म्हणून कार्यरत आहेत. असंच काहीसं आयएएस दिव्या मित्तल यांच्यासोबत झालं. दिव्या मित्तल यांनी कोट्यवधी रुपयांच्या पॅकेजची नोकरी सोडली अन् यूपीएससी परीक्षा दिली.

यूपीएससी, नागरी सेवा परीक्षा आणि, IIT, IIM साठी CAT या देशातील सर्वात अवघड परीक्षा आहेत. अनेकदा या पैकी एकही परीक्षा उत्तीर्ण करता येत नाही. परंतु दिव्या मित्तल यांनी या तिन्ही परीक्षा उत्तीर्ण केल्या आहेत.

दिव्या मित्तल कोण आहेत? (Who Is Divya Mittal)

दिव्या मित्तल या मूळच्या हरियाणाच्या रेवाडी जिल्ह्यातील रहिवासी आहेत. त्यांनी कोणत्याही कोचिंगशिवाय पहिल्याच प्रयत्नात यूपीएससी(UPSC) परीक्षा उत्तीर्ण केली आहे. त्यावेळी त्या आयपीएस म्हणून कार्यरत आहेत. मात्र, आयएएस होण्याचे स्वप्न पाहून त्यांनी दुसऱ्यांदा यूपीएससी परीक्षा दिली. यावेळी त्यांनी ६८ रँक मिळवली.

दिव्या मित्तल यांनी आयआयटी दिल्लीतून (IIT Delhi )अभियांत्रिकीचे शिक्षण घेतले.दिव्या यांनी कॅट परीक्षा उत्तीर्ण करुन आयआयएम बंगळुरुमध्ये (IIM Bengluru) प्रवेश घेतला.यानंतर त्यानी एमबीए (MBA )पूर्ण केले. यानंतर दिव्या यांनी लंडनमध्ये चांगल्या पॅकेजची नोकरी (Job In London )मिळवली.मात्र, काही काळानंतर त्यांना आयएएस (IAS) होण्याचे स्वप्न पूर्ण करावेसे वाटले. त्यानंतर त्यांनी नोकरी सोडली अन् भारतात परतल्या.

आपले ध्येय पूर्ण करण्यासाठी तुम्हाला फोनपासून दूर राहणे आवश्यक आहे, असे त्यांनी एका मुलाखतीत सांगितले होते. तुम्ही कितीही लाखो रुपये कमवत असाल तरीही स्वतः चे स्वप्न पूर्ण करावे, हे दिव्या मित्तल यांनी सर्वांना सांगितले आहे.