अक्षय गवळी, साम टीव्ही

महाबळेश्वरपेक्षा 'गोड स्ट्रॉबेरी'चं उत्पादन आता विदर्भात सहज शक्य झालेये.. डॉ. पंजाबराव देशमुख विद्यापीठाने स्ट्रॉबेरी'च्या पाच जातींवर संशोधन केलंये.. विदर्भातील थंडी आणि प्रखर सूर्यकिरणांमुळे महाबळेश्वरपेक्षाही गोड स्ट्रॉबेरी उत्पादन घेता येत असल्याचे एका प्रयोगातून विद्यापीठाने सिद्ध करून दाखवले.आता विदर्भातल्या वातावरणात उत्पादन घेता येणाऱ्या स्ट्रॉबेरीच्या 5 जातींवर कृषी विद्यापीठाने संशोधन हाती घेतले आहे. (Success Story)

अकोल्यातल्या पातूर, अकोट आणि तेल्हारा तालुक्यांतील वातावरण स्ट्रॉबेरी'साठी पोषक असल्याचे समोर आलेये.. यामुळे या भागातही या पिकांचा प्रसार करण्याचा कृषी शास्त्रज्ञांचा मानस आहेये. विशेष म्हणजे, तेल्हारा तालुक्यातल्या अंकित म्हसाळ या 26 वर्षीय तरुणाने स्ट्रॉबेरीची लागवड केली आहे.. इतकेच नव्हेतर वर्धा जिल्ह्यातल्या सेलसुरा कृषी विज्ञान केंद्रांतर्गत 8 शेतकऱ्यांनी महाबळेश्वर येथून रोपे आणून 18 हेक्टरवर स्ट्रॉबेरी लागवड केलीए... नेमके काय सांगतात कृषी शास्त्रज्ञ पाहुयात.

एक एकरात चार ते पाच लाख रुपयांचं शेतकऱ्यांना उत्पादन झाले आहे. 2 लाखांपासून ते 2 लाख 50 हजार रुपयांपर्यत स्ट्रॉबेरीसाठी लागवड खर्च लागलाए.. त्यातून लागवड खर्च काढत 2 लाखांवर उत्पन्न या शेतकऱ्यांना मिळालेत. स्ट्रॉबेरी उत्पादक शेतकऱ्यांना डॉ. पंजाबराव देशमुख कृषी विद्यापीठ पुढाकार देत, मार्गदर्शन करीत आहेये.. स्ट्रॉबेरी पिकाची लागवड साधारणतः ऑक्टोबर महिन्याच्या सुरुवातीला केली जातंय.

ऑक्टोबरपासून जानेवरीपर्यंत विदर्भात हिवाळा ऋतू राहतो. म्हणून थंडीही चांगली राहते. विदर्भात थंडीसह प्रखर सूर्यकिरणेही या पिकावर पडते, आणि पुढं सूर्यकिरणे स्ट्रॉबेरी पिकात गोडवा निर्माण करण्याचं काम करते. विशेष म्हणजे, महाबळेश्वरमध्ये विदर्भाच्या तुलनेत थंडी फार जास्त राहतं. मात्र, तिथे पिकांना प्रखर सूर्य किरणामूळ मिळत नाहीए. परंतु विदर्भात सूर्यकिरण प्रखरपणे मिळतात. म्हणून विदर्भात डॉ. पंजाबराव देशमुख कृषी विद्यापीठाने स्ट्रॉबेरी लागवडीवर भर दिलाय..