चांदी खरेदी करणाऱ्या ग्राहकांसाठी खुशखबर! सणासुदीच्या तोंडावर चांदीच्या दारात मोठी घसरण झाली आहे. या काळात सोन्यासोबत चांदीची खरेदी देखील होते. त्यामुळे तुम्हाला देखील चांदी खरेदी करायची असल्यास ही सुवर्ण संधी आहे. चांदीच्या दरात तब्बल २० हजारांची घसरण होऊन चांदी २ लाख १६ हजार ३०० रुपयांवर पोहचली आहे.

वर्षाच्या सुरुवातीला २९ जानेवारी २०२६ रोजी सोने आणि चांदीच्या किमतींनी आतापर्यंतचा उच्चांकी स्तर गाठला होता. चांदीची किंमत ४,२०,००० रुपये प्रति किलोवर पोहोचली होती. तिथून आता चांदी २० हजारांनी घसरून २ लाख १६ हजार ३०० रुपयांवर पोहचली आहे.

अवघ्या २३ दिवसात चांदीच्या दरात तब्बल ८५ हजार रुपयांची घसरण झाली आहे. गेल्या ४० वर्षाच्या इतिहासात पहिल्यांदाच एवढ्या कमी कालावधीत मोठी घसरण झाल्याची पहिलीच वेळ असल्याचे सराफ व्यवसायिकांनी म्हटले. अमेरिका व इराण युद्धाचा सोन्या चांदीच्या दरावर झाला असून आंतरराष्ट्रीय बाजारात सोन्या चांदीमधील गुंतवणूक कच्चा तेलाबरोबर इतर ठिकाणी वळल्याने घसरण होत असल्याची सराफ व्यावसायिकांनी म्हटले आहे.

तसेच सोन्याचा दर देखील एकाच दिवसात ७ हजार ५०० रुपयांनी घसरला आहे. सोन्याचे दर मागच्या दोन आठवड्यापासून सतत घसरताना दिसत आहे. मागच्या २४ दिवसात सोन्याचे दर २४००० पेक्षा जास्त रुपयांनी घसरले आहेत. कालच्या एका दिवसात सोन्याचे दर १० हजारांनी घसरले होते. तर चांदी २२००० रुपयांनी घसरली होती. त्यानंतर आज पुन्हा एकदा सोन्याचे दर कमी झाले आहेत.