सॅमसंग कंपनीच्या ग्राहकांसाठी एक आनंदाची बातमी आहे. कंपनीने आपल्या ग्राहकांसाठी मोठी घोषणा करत वर्षातून दोनदा कंपनीचे उपकरण दुरुस्ती करुन दिले जाणार आहे. दरम्यान उपकरणाच्या संरक्षणासाठी, कंपनीकडे आधीपासूनच Samsung Care+ प्रोग्राम आहे, जो कंपनीने आता विनामूल्य अपग्रेड केलाय.

या नव्या बदलाअंतर्गत वापरकर्ते त्यांचे डिव्हाइस वर्षातून दोनदा दुरुस्त करू शकणार आहेत. यात मोबाईल युझर्स स्क्रीन संरक्षण आणि लिक्विड डॅमेज संरक्षणाचा लाभ घेऊ शकतात. Samsung Care+ हा Galaxy उपकरणांसाठी वेगळी एक स्कीम आहे.

यात मोबाईल वापरकर्त्यांना उपकरणाचा कोणत्याही घसाराशिवाय 100% सुरक्षा दिली जाणार आहे. यात वॉक-इन आणि पिक-अपची सुविधा मिळते म्हणजेच ज्या दिवशी तुम्ही खराब झालेले उपकरण दुकानात नेणार त्याच दिवशी तुम्हाला दुरुस्ती करुन मिळेल. दरम्यान य ग्राहक त्यांच्या सोयीनुसार कोणताही पर्याय निवडू शकतात.

Samsung Care+ संदर्भात कंपनीने म्हटलं की, सॅमसंग उत्पादनांच्या दुरुस्तीसाठी अस्सल भाग वापरण्यात येतात. तसेच डिव्हाइसच्या कार्यक्षमतेसह कोणत्याही प्रकारची तडजोड केली जात नाही. यामुळे तुमचे उपकरण अगदी नवीन उपकरणाप्रमाणे काम करते. दरम्यान Samsung Care+ प्लॅनची ​​सुरुवातीची किंमत 399 रुपये आहे, जी संपूर्ण Galaxy श्रेणी कव्हर करते. यामध्ये Galaxy Smartphone, Galaxy Tablet, Galaxy Watch, Galaxy Book यांचा समावेश आहे. तर Samsung Care+ मध्ये कोणत्याही अडचणीशिवाय उपलब्ध आहे, जो शून्य शुलकावर आधारित आहे.