रॉयल एनफील्ड कपंनीने बाजारात सर्वात स्वस्त बुलेट लाँच केली आहे. नव्या अंदाजासह Hunter 350 बुलेट लाँच करण्यात आली आहे. कंपनीने या बुलेटमध्ये काही बदल केले आहेत. नवी स्टाइल आणि पेंट स्कीमसहित बुलेटच्या मूळ किंमतीत बदल केले आहेत. या बाईकची एक्स-शोरुम किंमत १.५० लाख रुपये आहे.

कंपनीने दिल्लीच्या हंटरहूड फेस्टिवलमध्ये बुलेट लाँच केली. बुलेटच्या डिझाइनमध्ये कोणताही बदल करण्यात आलेला नाही. नवीन हंटर ३५० बुलेट तीन वेगवेगळ्या रंगात उपलब्ध आहे. रियो व्हाइट, टोकयो ब्लॅक, लंडन रेड या रंगात बुलेट उपलब्ध आहे. या बाईकमध्ये अनेक नवीन फिचर्स उपलब्ध आहेत.

नव्या रंगाच्या पर्यायात कंपनीने बाईकची एर्गोनॉमी अपडेट केली आहे. या बाइकमध्ये नवीम सस्पेंशन सेटअप मिळत आहे. या व्यतिरिक्त बाईकमध्ये LED हेडलाइट, एक ट्रिपर पॉड आणि टाइप-C यूएसबी पोर्ट देखील देण्यात आला आहे. बाईकमध्ये कंपनीने ग्राऊंड क्लिरन्स 10 मिमीपर्यंत वाढवला आहे. रस्ता खडकाळ असला तरी बाईकने चांगली राईड करता येईल.

रॉयल एनफिल्ड हंटर ३५० इंजिन मॅकेनिज्ममध्ये कोणताही बदल करण्यात आलेला नाही. या बाइकमध्ये आधीचं इंजिन मिळणार आहे. तसेच ३४९ सीसी क्षमता असणारं एअर/ऑइल-कूल्ड, जे-सीरीज इंजिन देण्यात आलं आहे. ५-स्पीड गियरबॉक्सहून कमी आहे. इंजिन २०.२ बीएचपी पॉवर आणि २७ न्यूटन मीटरचं पीक टॉर्क जनरेट करते.

हंटर ३५० ची अधिकृत बुकिंग सुरु झाली आहे. कंपनीच्या अधिकृत वेबसाईट आणि अधिकृत डिलरशिपकडून बाईक बुकिंग केली जात आहे. या बाईकची डिलीव्हरी लवकरच सुरु होणार आहे. या बाईकचे वेगवेगळे व्हेरिंएन्ट उपलब्ध आहेत. फॅक्ट्री ब्लॅक, रियो व्हाईट, डॅपर ग्रे, टोकयो ब्लॅक, लंडन रेड आणि रेबेल ब्लू सारख्या रंगाच्या बाईक बाजारात उपलब्ध आहेत. या बाईकची सुरुवातीची किंमत १,४९,९०० रुपयांना आहे. तर या बाईकच्या टॉप व्हेरिएन्टची किंमत १,८१,७५० रुपये इतकी आहे.