डिसेंबर महिना सुरु झाला आहे. डिसेंबर महिन्यात पैशांसंबंधित अनेक नियम बदलले आहेत. डिसेंबर महिन्याच्या पहिल्या आठवड्यात सर्वसामान्यांना दिलासा मिळण्याची शक्यता आहे. रिझर्व्ह बँक ऑफ इंडिया रेपो रेटमध्ये कपात करण्याची शक्यता आहे.होम लोन, कार लोनच्या किंमती कमी होण्याची शक्यता आहे.

एक्सपर्टने दिलेल्या माहितीनुसार, महागाई कमी झाल्याने रिझर्व्ह बँक ऑफ इंडिया मोठा निर्णय घेण्याची शक्यता आहे. रेपो रेटमध्ये २५ बेसिस पॉइंट्सने कपात होण्याची शक्यता आहे. यामुळे लोनचा ईएमआय आपोआप कमी होईल.

५ डिसेंबरला होणार मोठी घोषणा

आरबीआयची पतधोरण बैठक ३ डिसेंबरपासून सुरु होणार आहे. ३ दिवस ही बैठक असणार आहे. या रेपो रेटबाबतची घोषणा ५ डिसेंबर म्हणजे शुक्रवारी होऊ शकते. आरबीआयचे गव्हर्नर संजय मल्होत्रा ५ डिसेंबरला सकाळी घोषणा करु शकतात.

रिझर्व्ह बँकेने मागच्या वर्षभरात रेपो रेट १०० बेसिस पॉइंट्सने कपात केला होता. यानंतर आतादेखील २५ बेसिस पॉइंट्सने कपात होऊ शकते. यामुळे रेपो रेट ५. ५ टक्के होण्याची शक्यता आहे. यामुळे सर्वसामान्यांना दिलासा मिळणार आहे.

महागाई नियंत्रणात

ग्राहक किंमत निर्देशांकावर आधारित किरकोळ महागाई ही सरकारने निर्धारित केल्यापेक्षा २ टक्के कमी होऊ शकतात. महागाई कमी झाल्यामुळे रेपो रेटमध्ये कपात करण्याची शक्यता आहे.याचसोबत जीएसटीमुळेही महागाई आवाक्यात आली आहे. यामुळेदेखील रेपो रेटमध्ये कपात होण्याची शक्यता आहे. जीडीपीमध्ये वाढ होत आहे, हेदेखील रेपो रेट कमी होण्याचे कारण असू शकते.