स्वतः चा व्यवसाय सुरु करण्याचे अनेकांचे स्वप्न असते. परंतु त्यासाठी भांडवलाची गरज असते. भांडवलाशिवाय आपण कोणताही व्यवसाय सुरु करु शकत नाही. त्यामुळेच बिझनेससाठी लोन घेतले जाते. यासाठीच सरकारने एक खास योजना सुरु केली आहे. या योजनेत स्वतः चा व्यवसाय सुरु करण्यासाठी ४ लाखांपर्यंतचे लोन दिले जाते.

तेलंगणा सरकारने राजीव युवा विकास योजना २०२५ सुरु केली आहे. या योजनेत तरुणांना स्वतः चा व्यवसाय सुरु करण्यासाठी प्रोत्साहन दिले जाते. ही योजना अनुसूचित जाती, जमाती, आर्थिकदृष्ट्या मागासलेल्या प्रवर्गासाठी हे लोन दिले जाते.

राजीव युवा सरकारी योजना (Rajiv Yuva Scheme)

राजीव युवा योजनेत तुम्हाला ४ लाखांचे लोन दिले जाते. या लोनवर तुम्हाला खूप कमी व्याज मिळते. या योजनेत पात्रता आणि वयोमर्यादा निश्चित करण्यात आली आहे. त्याच वयोगटातील तरुणांना हे लोन मिळणार आहे. ग्रामीण भागातील अर्जदाराचे वार्षिक उत्पन्न हे १.५ लाख रुपये किंवा त्यापेक्षा कमी असावे. शहरी भागातील अर्जदाराचे उत्पन्न २ लाखांपेक्षा कमी असावे.

या योजनेत २१ ते ५५ वयोगटातील तरुण अर्ज करु शकतात. शेती किंवा संबंधित कामांमध्ये काम करत असलेले नागरिक ६० वर्षापर्यंत अर्ज करु शकतात. या योजनेत अर्ज करताना आधार कार्ड, जात प्रमाणपत्र, उत्पन्नाचा दाखला सादर करावा लागेल.

या योजनेत सर्वात आधी प्राधान्य महिला दिव्यांग व्यक्ती, तेलंगणा चळवळीतील शहीदांच्या कुटुंबियांना दिले जाते. या योजनेत तुम्हाला खूप कमी व्याजदरात कर्ज मिळणार आहे.