एप्रिल महिना सुरु होण्यासाठी अवघे १०-१२ दिवस राहिले आहेत. नवीन आर्थिक वर्षाची सुरुवात होणार आहे. दरम्यान, नवीन आर्थिक वर्ष सर्वसामान्यांसाठी महागडं ठरणार असल्याचे दिसत आहे. अनेक वस्तूंच्या किंमतीत वाढ होणार आहे. प्लास्टिक, रेझिन या कच्च्या मालाच्या किंमतीत अचानक वाढ झाली आहे. यामुळे अनेक वस्तूंच्या किंमती वाढणार आहे.

जागतिक स्तरावर युद्धामुळे मालवाहतूकीचे दर वाढणार आहे. त्यामुळेच कंपन्यांनी त्यांच्या उत्पादनांच्या किंमतीत वाढ झाली आहे. आता एप्रिल महिन्यापासून इलेक्ट्रॉनिक्स, ऑटोमोबाईल क्षेत्रातील वस्तूंच्या किंमती वाढण्याची शक्यता आहे. या किंमती ५ ते १० टक्क्यांनी वाढू शकतात.

कंपन्यांना आता खर्च आणि बाजारपेठेच माल पोहचवण्यापर्यंत जास्त खर्च येतो. प्लास्टिक आणि पॉलिमरच्या किंमतीही वाढल्याने इलेक्ट्रॉनिक्स वस्तू उत्पादनांच्या किंमती वाढू शकतात. आंतरराष्ट्रीय स्तरावर मालवाहतूकीचे दर ७ ते १० टक्क्यांनी वाढले आहेत. तसेच रुपयांची किंमत कमी झाल्याने आयात माल महाग झाला आहे.

वाहनांच्या किंमतीतही वाढ

वाहनांच्या किंमतीतदेखील वाढ होऊ शकते. मर्सिडीज बेंझ आणि ऑडी या कंपन्यांनी किंमतीत २ टक्क्यांनी वाढ करण्याची घोषणा केली आहे. १ एप्रिलपासून हे नवीन दर लागू होणार आहे. तर इतर कार उत्पादक कंपन्यादेखील २ ते ३ टक्क्यांनी वाढ करण्याच्या तयारीत आहे.

घरगुती वस्तू महागणार

फक्त वाहने नाही तर घरगुती वस्तूदेखील महागणार असल्याचे दिसत आहे. टीव्ही, फ्रिज आणि एअर कंडिशनरमध्ये ५ ते ६ टक्क्यांची वाढ होऊ शकते. शूज आणि सिंथेटिक कपड्यांच्या किंमती ९ ते १० टक्क्यांनी वाढू शकतात.