बँकेत नोकरी करण्याची इच्छा असणाऱ्या तरुणांसाठी आनंदाची बातमी आहे. आता सरकारी बँकेत भरती निघाली आहे. पंजाब नॅशनल बँकेत नोकरी करण्याची संधी तुम्हाला मिळणार आहे. या नोकरीसाठी तुम्हालाही अर्ज करता येणार आहे. यासाठी अधिसूचना जारी करण्यात आली आहे.

पंजाब नॅशनल बँकेतील या नोकरीसाठी अर्जप्रक्रिया कालपासून सुरु झाली आहे. २१ एप्रिलपासून तुम्ही अर्ज करु शकतात.या नोकरीसाठी अर्ज करण्याची शेवटची तारीख ५ मे २०२६ आहे. त्यामुळे इच्छुकांनी त्यापूर्वी अर्ज करायचे आहेत. या नोकरीसाठी ऑनलाइन टेस्ट २७ मे २०२६ रोजी होणार आहे. त्याआधी इच्छुकांनी अर्ज करायचा आहे.

या पदांसाठी होणार भरती

पंजाब नॅशनल बँकेत ऑफिसर सिविल इंजिनियर JMG स्केल I, ऑफिसर इलेक्ट्रिकल इंजिनियर JMG स्केल I, ऑफिसर मॅकेनिकल इंजिनियर JMG स्केल I या पदांसाठी भरती केली जाणार आहे. एकूण ३० पदांसाठी ही भरती केली जाणार आहे.

शैक्षणिक पात्रता

ऑफिसर सिविल इंजिनियर पदासाठी अर्ज करणाऱ्या उमेदवाराने सिविल इंजिनियरिंगमध्ये बी.ई किंवा बीटेक केलेले असावे. इलेक्ट्रिकल इंजिनियर पदासाठी इलेक्ट्रिकल इंजिनियरिंगमध्ये डिग्री प्राप्त केलेली असावी. याचसोबत १ वर्षांचा अनुभव असायला हवा.मेकॅनिकल इंजिनियर पदासाठी मान्यताप्राप्त विद्यापीठातून बी.ई किंवा बीटेक केलेले असावे.

या नोकरीसाठी उमेदवारांची निवड ऑनलाइन परीक्षा, पर्सनल इंटरव्ह्यूद्वारे होणार आहे. या नोकरीबाबत सर्व माहिती वेबसाइटवर देण्यात आली आहे. या भरतीसाठी अर्जप्रक्रिया ऑनलाइन पद्धतीने होणार आहे. त्यामुळे तुम्हीही ऑनलाइन अर्ज करु शकतात.