देशातील शेतकऱ्यांसाठी अत्यंत आनंदाची बातमी आहे. शेतकऱ्यांच्या खात्यात आज पीएम किसान योजनेचा हप्ता जमा होणार आहे. आज लाभार्थी शेतकऱ्यांना प्रत्येकी २००० रुपये देण्यात येणार आहे. केंद्र सरकारने १४ नोव्हेंबर रोजी याबाबत घोषणा केली होती.

पीएम किसानचा हप्ता कधी जमा होणार? (PM Kisan Yojana Installment Recieve Today)

पीएम किसान योजनेअंतर्गत तब्बल ९ कोटी शेतकऱ्यांना पैसे देण्यात येणार आहे. आज दुपारी २ वाजता हा हप्ता वितरीत केला जाणार आहे. त्यानंतर शेतकऱ्यांच्या खात्यात पैसे जमा होण्यास सुरुवात होणार आहे. दरम्यान, या योजनेत ९ कोटींपेक्षा जास्त शेतकऱ्यांच्या खात्यात पैसे जमा केले जाणार आहे.

तुम्हाला पैसे येणार की नाही?

पीएम किसान योजनेचा हप्ता मिळवण्यासाठी प्रत्येक लाभार्थी शेतकऱ्याला केवायसी करणे अनिवार्य आहे. जर तुम्ही केवायसी केले नाही तर तुम्हाला योजनेचा लाभ लाभ मिळणार नाही. दरम्यान, यावेळी लाखो शेतकऱ्यांना योजनेचा लाभ मिळणार आहे. सरकारने योजनेअंतर्गत पडताळणी सुरु केली होती. यामध्ये अनेक शेतकऱ्यांच्या कागदपत्रांमध्ये काही त्रुटी असल्याचे लक्षात आले आहेत. त्यामुळे लाखो शेतकऱ्यांचे लाभ बंद करण्यात येणार असल्याचे सांगितले जात आहे.

तुम्हाला पैसे आले की नाही? अशा पद्धतीने चेक करा

शेतकऱ्यांच्या खात्यात पैसे जमा झाल्यावर तुम्हाला त्याचा मेसेज येणार आहे. याचसोबत तुम्ही ऑनलाइन बँकिंग अॅपवर जाऊन पैसे आले की नाही हे चेक करु शकतात.याचसोबत तुम्ही बँकेत जाऊनदेखील पैसे आले की नाही याची एन्ट्री पासबुकवर करु शकतात. याचसोबत तुम्हाला पैसे येणार की नाही याचा स्टेट्‍स तुम्ही चेक करु शकतात. त्यावरुन तुम्हाला आज पैसे येणार की नाही हे समजणार आहे.