प्रधानमंत्री किसान योजनेच्या लाभार्थ्यांसाठी महत्त्वाची बातमी समोर आली आहे. या योजनेच्या २४ व्या हप्त्याबाबत शेतकऱ्यांमध्ये उत्सुकता असून, पात्र शेतकऱ्यांच्या खात्यात उद्या म्हणजे ३० ऑक्टोबर रोजी पैसे येणार आहेत. मात्र तत्पूर्वी या हप्त्याचा लाभ कोणत्या आपल्याला मिळणार की नाही? किंवा आपल्याला अपात्र तर ठरवलं जाणार नाही ना? असा प्रश्न अनेक शेतकऱ्यांना पडला आहे. परंतु पुढील काही स्टेप्स फॉलो करून शेतकरी आता घरबसल्या मोबाईलवर योजनेचा हप्ता आला की नाही, तसेच कोणती कागदपत्रे राहिलीत हे तपासू शकतात.

२४ व्या हप्त्यासाठी किती निधी मिळणार?

मिळालेल्या माहितीनुसार, पंतप्रधान नरेंद्र मोदी ३० ऑक्टोबर रोजी गुजरातमधील बनासकांठा जिल्ह्यात आयोजित राष्ट्रीय स्तरावरील कार्यक्रमात पीएम किसान योजनेचा २४ वा हप्ता जारी करणार आहेत. या अंतर्गत देशातील ९.३४ कोटींहून अधिक शेतकरी कुटुंबांना १८,६८० कोटी रुपयांपेक्षा जास्त निधी वितरित केला जाणार आहे. मात्र निधी जमा झाला की नाही हे समजण्यासाठी स्टेट्स फोनवर चेक करा.

असे तपासा स्टेटस

१. सर्वप्रथम पीएम किसान योजनेच्या अधिकृत पोर्टलला भेट द्या.

२. वेबसाइटवरील ‘Know Your Status’ हा पर्याय निवडा.

३. तुमचा नोंदणी क्रमांक टाका.

४. त्यानंतर मागितलेली माहिती भरून ओटीपीद्वारे टाका आणि पडताळणी पूर्ण करा.

५. स्क्रीनवर दिसणाऱ्या स्टेटसमधून तुमच्या हप्त्याची रक्कम तपासा.

स्टेटसमध्ये 'हे' दिसत असल्यास सावधान!

तुमच्या स्टेटसमध्ये ‘Withheld’ असे दिसत असल्यास तुमचा हप्ता थांबवला गेला असण्याची शक्यता आहे. तसेच ‘Under Verification’ किंवा ‘Eligibility Under Review’ असा उल्लेख असल्यास तुमच्या पात्रतेची किंवा कागदपत्रांची पडताळणी सुरू असू शकते. अशा वेळी अधिकृत पोर्टलवरील माहिती तपासून आवश्यक कागदपत्रे आणि पडताळणी प्रक्रिया पूर्ण करा.

कोणाला मिळू शकतो योजनेचा लाभ?

शेती करता येणारी जमीन असलेले आणि योजनेच्या पात्रता निकषांमध्ये बसणारे शेतकरी कुटुंब या योजनेचा लाभ घेऊ शकतात. मात्र, संस्थात्मक जमीनधारक तसेच नियमांनुसार अपात्र ठरणाऱ्या काही व्यक्तींना या योजनेचा लाभ मिळत नाही. सरकारी कर्मचारी, आयकर भरणारे आणि इतर काही श्रेणींतील व्यक्तींना लागू असलेल्या नियमांनुसार अपात्र ठरवले जाऊ शकते.