पंतप्रधान नरेंद्र मोदींनी पेट्रोल डिझेल वाचवण्यास सांगितले आहे. यानंतर पेट्रोल डिझेलचे दर वाढणार का अशी चर्चा सुरु झाली आहे. भविष्यात पेट्रोल डिझेलचे दर वाढणार का आणि कितीने वाढणार असे अनेक प्रश्न निर्माण झाले आहे. दरम्यान, सरकारने अजून पेट्रोल डिझेलच्या दराबाबत कोणताही निर्णय घेतलेला नाही. परंतु सर्वसामान्यांना महागाईची झळ बसू नये, यासाठी प्रयत्न सुरु आहे.

पेट्रोल डिझेलचे दर वाढण्याची कारणे (Petrol Diesel Price Hike)

दरम्यान, आता सरकारने सोने-चांदीसह इतर धातूंवर आयात कर वाढवला आहे. यामुळे सोने खरेदी कमी होईल आणि परदेशी चलन वाढवू शकतात. याचसोबत होर्मुज सामुद्रधुनीवर तणावाचे वातावरण असल्याने कच्च्या तेलाचा पुरवठा कमी झाला आहे. भारत आपल्या गरजेतील ८५ टक्के तेल आयात करते. दरम्यान, आता पुरवठा न झाल्याने इंधनाच्या दरात वाढ होऊ शकते. दरम्यान, अजून तरी असा कोणताही निर्णय घेतला नाही.

पीएम मोदींना नागरिकांना आवाहन केले आहे. त्यानंतर अनेक राज्य सरकारने इंधनाची बचत करण्यासाठी ठोस पाऊले उचलली आहे. सध्या कच्च्या तेलाचे दर १०० डॉलर प्रति बॅरल आहे. यामुळेच भविष्यात कच्च्या तेलाच्या वाढत्या किंमतीचा फटका सर्वसामान्यांना बसू शकतो.

रुपयाची किंमत घसरतेय

देशावर संकंट येण्याची शक्यता वर्तवली जात आहे. कच्च्या तेलाच्या किंमतीत वाढ झाली आहे. याचसोबत डॉलरच्या तुलनेत रुपयाची किंमत घसरली आहे. त्यामुळे भारतात महागाई वाढू शकते.दरम्यान, सरकारी सूत्रांनी दिलेल्या माहितीनुसार, तेल कंपन्यांचे रोज १००० कोटी रुपयांचे नुकसान होत आहे. त्यामुळे भविष्यात पेट्रोल डिझेलचे दर वाढण्याची शक्यता आहे.