महाराष्ट्रातील शेतकऱ्यांसाठी महत्त्वाची बातमी आहे. राज्य सरकारच्या नमो शेतकरी योजनेत शेतकऱ्यांच्या खात्यात आजपासून २००० रुपये जमा होण्यास सुरुवात झाली आहे. आज म्हणजेच ९ सप्टेंबर रोजी शेतकऱ्यांच्या खात्यात पैसे जमा होणार आहेत. ऑनलाइन पद्धतीने हे पैसे पाठवण्यात येणार आहे. मुख्यमंत्री देवेंद्र फडणवीस यांच्या हस्ते हा हप्ता वितरित केला जाणार आहे. हा हप्ता थेट शेतकऱ्यांच्या बँक अकाउंटमध्ये जमा होणार असल्याची माहिती कृषी विभागाने दिली आहे.

नमो शेतकरी योजनेसाठी निधी वितरित (Namo Shetkari Yojana Installment Credited)

राज्यातील तब्बल ९२ लाख ९१ हजार शेतकऱ्यांना या योजनेचा लाभ मिळणार आहे. या योजनेअंतर्गत प्रत्येक शेतकऱ्याच्या खात्यात २००० रुपये जमा केले जाणार आहे. या योजनेच्या सातव्या हप्त्यासाठी राज्य सरकारने १ हजार ९३२ कोटी ७२ लाख रुपयांचा निधी वितरित केला आहे.

खात्यात पैसे जमा झाले की नाही अशा पद्धतीने करा चेक

तुमच्या खात्यात पैसे जमा झाले की नाही हे तुम्ही ऑनलाइन आणि ऑफलाइन पद्धतीने चेक करु शकतात.

तुमच्या फोनवर पैसे जमा झाल्याचा मेसेज येईल. याचसोबत तुम्ही बँकेच्या अधिकृत अॅपवर जाऊन पैसे ट्रान्सफर झाले की नाही चेक करु शकतात.

ट्रान्झॅक्शन हिस्ट्रीमध्ये तुम्हाला याबाबत माहिती मिळणार आहे.

अधिकृत वेबसाइटवर जाऊन करा चेक

याचसोबत तुम्ही पीएम किसानच्या अधिकृत वेबसाइटवर जाऊनदेखील स्टेट्‍स चेक करु शकतात. तुम्हाला सर्वात आधी NSMNY या वेबसाइटला भेट द्यायची आहे. त्यानंतर Beneficiary Status वर क्लिक करा.

यानंतर लॉग इन केल्यावर तुम्हाला आधार नंबर, रजिस्ट्रेशन नंबर आणि मोबाईल नंबर टाकावा लागेल. यानंतर तुम्हाला ओटीपी येईल. यानंतर ओटीपी टाकल्यानंतर Beneficiary Status स्क्रिनवर दिसेल.यानंतर तुम्हाला Eligibility Details हा पर्याय दिसला तर तुम्ही योजनेसाठी पात्र आहात. आणि तर Ineligibility दिसला तर शेतकरी अपात्र आहे, असा त्याचा अर्थ होतो.