ब्युरो रिपोर्ट, साम टीव्ही, मुंबई
सरकारने २०२४-२५ या आर्थिक वर्षासाठी कर्मचारी भविष्य निधी (EPF) वर ८.२५% वार्षिक व्याजदर निश्चित केला आहे. हे व्याज दरमहा तुमच्या EPF खात्याच्या क्लोजिंग बॅलन्सवर मोजले जाते, परंतु ते वर्षातून एकदाच तुमच्या खात्यात जमा होते.
जर तुमचे ईपीएफ अकाउंट ३६ महिन्यांपर्यंत इनअ‍ॅक्टिव्ह असेल तर यावर व्याज मिळतो का, जाणून घ्या.
EPFOच्या नियमानुसार, जर तुमचे EPFअकाउंटमध्ये ३ वर्ष म्हणजेच ३६ महिन्यांपर्यंत कोणतेही व्यवहार झाले नाही तर अकाउंट इनअ‍ॅक्टिव्ह होतो.
जर तुम्ही ५५ वर्षामध्ये रिटायर होत असाल तर ५८ वर्षापर्यंत तुमचे अकाउंट अॅक्टिव्ह मानले जाईल. त्यानंतर हे अकाउंट इनअ‍ॅक्टिव्ह होईल.
जर तुम्ही नोकरी बदलली तर अकाउंट ट्रान्सफर करुन घ्या. जर तुम्ही कोणतीही नोकरी करत नसाल तर अकाउंटमधून पैसै काढून घ्या. EPFOच्या वेबसाईट किंवा मोबाईल अॅपवरुन तुम्ही तुमच्या अकाउंटच्या स्थितीबद्दल जाणून घेऊ शकता.
EPFOने आपल्या सोशल मीडिया प्लॅटफॉर्मवर माहिती दिली की, जर ईपीएफ अकाउंटमध्ये ३६ महिन्यापर्यंत ट्रान्सफर किंवा विड्रावल केले नाही तर अकाउंट इनअ‍ॅक्टिव्ह होईल आणि त्यावर व्याज मिळणार नाही. जर तुम्ही नोकरी करत असाल तर तुमच्या जुन्या अकाउंटमधून नवीन अकाउंटमध्ये पैसे ट्रान्सफर करुन घ्या.
EPFO लवकरच आपल्या EPFO 3.0 लॉंच करणार आहे. या नवीन प्लॅटफॉर्मचा उद्देश क्लेम प्रोसेसिंग जलद करणे तसेच डिजिटल फिचर्स जसे की, UPIद्वारे विड्रावलची सुविधा देणे आहे.