सर्वसामान्यांसाठी ही खूप महत्वाची बातमी आहे. जर तुम्ही घरामध्ये इंडेन, भारत किंवा एचपीचे LGP कनेक्शन वापरत असाल तर काही गोष्टी समजून घ्या. कारण यामध्ये तेल कंपन्यांनी गॅस बुकींग, डिलीवरी आणि पाइप लाईन गॅस (PNG)या संदर्भात काही नवे नियम लागू केले आहेत. त्यात तुम्ही काही चुका केल्या असतील तर तुम्हाला गॅस सिलेंडर मिळणं बंद होऊ शकतं.

दुसरा सिलेंडर लगेच मिळणार नाही

सरकारने सिलेंडरचा काळाबाजार थांबवण्यासाठी बुकींगचे दिवस वाढवले आहेत. त्यामध्ये पहिला बुक केलेला सिलेंडर मिळाल्यावर ४५ दिवसांनीच नवीन सिलेंडर बुक करता येईल. हा नियम ग्रामीण रहिवाशांसाटी आहे. तर शहरांमध्ये २५ दिवसांनी दुसरा सिलेंडर बूक करता येईल. हा नियम १४. २ किलोग्राम आणि ५ किलोग्राम अशा दोन्ही सिलेंडरला लागू होतो.

OTP शिवाय सिलेंडर मिळणार नाही

जर तुम्ही बूक केलेला बाटला ठरलेल्या दिवशी आला. तरीही तो तुम्हाला लगेच दिला जाणार नाही. तुम्हाला डिलीवरी बॉयला ओटीपी(OTP) द्यावाच लागेल. त्यामध्ये तुम्हाला सिलेंडर दिल्यावर रजिस्टर मोबाईल नंबरवर ओटीपी पाठवला जाईल. जो वन टाइम पासवर्ड असेल. तो तुम्हाला डिलीवरी बॉयला सांगायचा आहे. त्यासाठी तुम्ही तुमचा मोबाईल नंबर अपडेट करणं गरजेचं आहे.

पेट्रोल - डिझेलसोबत सिलेंडरच्याही किंमती वाढल्या का?

आज पेट्रोल आणि डिझेलच्या दरात मोठ्या प्रमाणात वाढ झाली आहे. त्यामुळे आता नागरिकांच्या मनात एलपीजी सिलेंडरचे दर वाढणार का? अशा शंका येत आहेत. तर त्यांच्यासाठी एक दिलासा देणारी बातमी आहे. आज घरगुती सिलेंडरच्या दरात कोणतीही वाढ झालेली नाही.

२३ मे २०२६ रोजी मुंबईमध्ये LPG सिलेंडरचा दर हा ९१२.५० रुपयांवर पोहोचला. तर दिल्लीमध्ये हा दर ९१३ रुपयांवर पोहोचला आहे. म्हणजेच या आकड्यात काहीही बदल झालेले नाहीत.