केंद्र सरकारने महिलांसाठी अनेक योजना राबवल्या आहेत. यामध्ये विशेषत महिलांसाठी काही योजना आहेत. महिलांना गॅस सिलिंडरसाठी सब्सिडी दिली जाते. दरम्यान, आता त्यानंतर आसाम सरकारने महत्त्वाचा निर्णय घेतला आहे. सरकारने राज्यातील गरीब आणि मध्यमवर्गीय कुटुंबियांना दिलासा दिला आहे. आता आसाममध्ये ३०० रुपयात एलपीजी सिलिंडर मिळणार आहे.

आसामचे मुख्यमंत्री हिमंत बिस्वा सरमा यांनी सांगितले की, लवकरच ३०० रुपयांनी एलपीजी गॅस सिलिंडर उपलब्ध केला जाईल. महागाईपासून गरीब कुटुंबातील नागरिकांना दिलासा मिळावा, यासाठी हा निर्णय घेण्यात आला आहे.

किती सब्सिडी मिळणार?

सरकारने सांगितले की, ओरुनोदोई स्कीम आणि पीएम उज्जवला योजनेअंतर्गत २५० रुपयांची सब्सिडी दिली जाणार आहे. यामुळे आता नागरिकांना केवळ ३०० रुपयांत सिलिंडर मिळणार आहे.

कोणाला मिळणार लाभ?

ओरुनोदोई योजनेअंतर्गत पीएम उज्जवला योजनेच्या लाभार्थ्यांच्या खात्यात थेट सब्सिडी दिली जाणार आहे. अधिकाऱ्यांनी दिलेल्या माहितीनुसार, सब्सिडीचे पैसे लाभार्थ्यांच्या अकाउंटमध्ये जमा केले जाणार आहेत. जेणेकरुन त्यांना गॅस बुकिंग करताना पैसे देता येतील.

महिलांना होणार फायदा

सरकारच्या म्हणण्यांनुसार, आर्थिकदृष्ट्या कमजोर कुटुंबातील महिलांना सर्वात जास्त दिलासा मिळणार आहे. या महिलांना दर महिन्याला आर्थिक मदत दिली जाते. एलपीजी सब्सिडी मिळाल्यानंतर घरगुती खर्च कमी होईल. त्यामुळे मध्यमवर्गीयांना फायदा होणार आहे.

एलपीजी गॅसच्या किंमती मागच्या अनेक दिवसांपासून वाढत आहेत. त्यामुळे सर्वसामान्यांना घरखर्च कसा भागवायचा असा प्रश्न पडत होता. परंतु आता या सब्सिडीमुळे खर्चाचा ताण कमी होणार आहे. लवकरच यासंबंधित संबंधित विभाग आणि डिस्ट्रीब्युटर्संना निर्देश जारी केले जातील.