Indane, Bharat Gas आणि HP Gas चा वापर करणाऱ्या LPG ग्राहकांसाठी e-KYC प्रक्रिया पूर्ण करण्याची अंतिम तारीख 23 ऑगस्ट 2026 आहे. त्यामुळे ज्या ग्राहकांचे व्हेरीफिकेशन अद्याप बाकी आहे. त्यांच्याकडे आता अवघे काही तास उरले आहे. मात्र यासाठी कुठेही रांगेत ताटकळत उभे राहण्याची किंवा LPG च्या कार्यालयात जाण्याची गरज नाहीये. स्मार्टफोन, आधार कार्डची माहिती आणि LPG कनेक्शन शी जोडलेल्या मोबाइल नंबरच्या मदतीने घरबसल्या e-KYC पूर्ण करता येते.
आधार कार्ड किंवा आधार नंबर
LPG कनेक्शनशी जोडलेला मोबाइल क्रमांक
LPG कंझ्युमर नंबर किंवा LPG ID
इंटरनेट सुविधा असलेला स्मार्टफोन
LPG प्रोव्हायडरचे अधिकृत अॅप
चेहऱ्याच्या पडताळणीसाठी Aadhaar FaceRD अॅप
Indane ग्राहक Indian Oil ONE अपच्या माध्यमातून e-KYC पूर्ण करू शकतात. यासाठी गूगल प्ले स्टोअरवरून अप डाउनलोड करा. त्यानंतर LPG अकाउंटशी जोडलेल्या मोबाइल नंबरने लॉगिन करा, मेन्यूमधील My Profile या पर्यायावर क्लिक करा. त्यानंतर Re-KYC पर्याय निवडून आधार नंबर टाका. Aadhaar FaceRD अॅप द्वारे चेहऱ्याच्या पडताळणीसाठी दिलेल्या सुचनांचे पालन करा आणि सगळी प्रक्रिया पूर्ण झाल्यावर रिक्वेस्ट सबमिट करा.
भारत गॅस ग्राहक Hello BPCL अॅपचा वापर करून e-KYC करू शकतात. रजिस्टर्ड मोबाइल क्रमांकाने लॉगिन केल्यानंतर होमपेजवरील LPG सेक्शनमध्ये जाऊन LPG ID वर क्लिक करा. त्यानंतर e-KYC किंवा Aadhaar Authentication हा पर्याय निवडा. मोबाइलवर आलेला OTP टाकल्यानंतर Aadhaar FaceRDच्या मदतीने चेहऱ्याचे स्कॅनिंग करून प्रक्रिया पूर्ण करा.
HP Gas ग्राहक HP Pay अॅपद्वारे e-KYC प्रक्रिया पूर्ण करू शकतात. मोबाइल क्रमांकाने रजिस्टर किंवा साइन-इन केल्यानंतर मुख्य डॅशबोर्डवरील LPG/Gas Connection या पर्यायावर क्लिक करा. त्यानंतर Aadhaar Authentication निवडा. आधार पडताळणीसाठी संमती द्या आणि आवश्यक फेस ऑथेंटिकेशन पूर्ण करा. शेवटी व्हेरिफिकेशन स्टेटस यशस्वीरित्या अपडेट झाले आहे की नाही, याची खात्री करा.
23 ऑगस्टपर्यंत e-KYC पूर्ण न केल्यास सरकारकडून बँक खात्यात येणारी LPG सब्सिडी बंद होऊ शकते. यामध्ये सामान्य LPG सब्सिडी तसेच उज्ज्वला योजनेअंतर्गत मिळणाऱ्या 300 रुपयांच्या सब्सिडीचाही समावेश आहे. यामुळे दोन्ही सब्सिडी बंद होईल. तसेच LPG कनेक्शन ‘सस्पेंडेड’ किंवा ‘डॉर्मंट’ श्रेणीत टाकले जाऊ शकते. अशा परिस्थितीत अॅप, IVR किंवा व्हॉट्सअॅपद्वारे गॅस बुकिंग करण्याचा प्रयत्न केल्यास बुकिंग रिजेक्ट होण्याची शक्यता आहे.
त्यामुळे LPG ग्राहकांनी वाट न पाहता 23 ऑगस्टआधी म्हणजे आजच आपली e-KYC प्रक्रिया पूर्ण करणे आवश्यक आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.