प्रत्येक व्यक्ती आपल्या भविष्यासाठी वेगवेगळ्या योजनांमध्ये गुंतवणूक करत असतात. लोक अगदी शेअर बाजारापासून ते सरकारी योजनांमध्ये गुंतवणूक करतात. परंतु शेअर मार्केटमध्ये जोखिम असते. त्यामुळेच अनेकजण पोस्ट ऑफिस, एलआयसी आणि सरकारी योजनेत गुंतवणूक करतात. या योजनांमध्ये गुंतवणूक केल्यास परताव्याची हमी असते. तुम्हाला एका ठरावीक काळानंतर निश्चित रक्कम मिळते. अशीच एक एलआयसीची योजना आहे. एलआयसीच्या योजनेत तुम्हाला सेवानिवृत्तीनंतर दर महिन्याला ठरावीक रक्कम मिळते.

एलआयसी सरल पेन्शन योजनेत तुम्हाला दर महिन्याला पेन्शन मिळते. या योजनेत तुम्हाला फक्त एकदाच गुंतवणूक करावी लागेल. या योजनेत तुम्हाला सेवानिवृत्तीनंतर आयुष्यभर पेन्शन मिळेल. या योजनेतून मिळणारी रक्कम तुम्ही खर्चासाठी वापरु शकतात.

जर एखादी व्यक्ती खाजगी किंवा सरकारी क्षेत्रात काम करत असेल तर त्याच्या पीएफ फंडातून मिळालेली रक्कम आणि ग्रॅच्युइचटीची रक्कम जर तुम्ही या योजने गुंतवली तर तुम्हाला आयुष्यभर पेन्शन मिळेल. ही रक्कम तुम्हाला सेवानिवृत्तीच्या आधी गुंतवावी लागेल.

एलआयसी सरल पेन्शन योजनेत ४० वर्षांवरील व्यक्ती गुंतवणूक करु शकते. या योजनेत तुम्ही ४० ते ८० वर्षांपर्यंत कधीही गुंतवणूक करु शकतात. या योजनेत तुम्हाला किमान १००० रुपये दर महिन्याला गुंतवावे लागेल. म्हणजे तीन महिन्यासाठी ३ हजार तर ६ महिन्यांसाठी ६ हजार रुपये गुंतवावे लागतील.

एलआयसीच्या सरल पेन्शन योजनेत तुम्ही वार्षिक १२ हजार रुपयांची गुंतवणूक करु शकतात. या योजनेत जास्तीत जास्त रक्कम गुंतवणूकीला मर्यादा निश्चित केलेली नाही. तुम्ही जितके जास्त पैसे गुंतवणूक करणार तितकी जास्त पेन्शन तुम्हाला मिळेल. या गुंतवणूकीवर तुम्हाला वार्षिक, सहामाही आधारावर पेन्शन मिळते.

एलआयसीच्या योजनेत जर ४२ वर्षीय व्यक्तीने ३० लाख रुपयांची गुंतवणूक केली तर त्याला दर महिन्याला १२,३८८ रुपयांची पेन्शन मिळेल.