LIC Pension Scheme: देशातील सर्वात मोठी सरकारी विमा कंपनी लाइफ इन्शुरन्स कॉर्पोरेशनकडे (LIC) प्रत्येक वयोगटासाठी पॉलिसी आहेत. यापैकी अनेक योजना अतिशय लोकप्रिय आहेत आणि सुरक्षित गुंतवणूक, तसेच गुंतवणुकीच्या रकमेवर जबरदस्त परतावा देतात.

यातच आपण एलआयसीच्या अशा पॉलिसीबद्दल जाणून घेणार आहोत, जी तुम्हाला दरमहा पेन्शनची हमी देते. विशेष म्हणजे यात तुम्हाला फक्त एकदाच गुंतवणूक करावी लागेल आणि यानंतर तुम्हाला पेन्शन मिळू लागेल. या पॉलिसीचे नाव LIC Saral Pension Plan.

योजनेसाठी वयोमर्यादा आहे 40-80 वर्षे

एलआयसी सरल पेन्शन योजना ही 40 ते 80 वर्षे वयाची व्यक्ती खरेदी करू शकते. जी आयुष्यभर पेन्शनची हमी देते. ही योजना तुम्ही एकट्याने किंवा पती-पत्नीसोबत घेऊ शकता. यामध्ये पॉलिसीधारकाला पॉलिसी सुरू झाल्याच्या तारखेपासून सहा महिन्यांनंतर केव्हाही सरेंडर करण्याची सुविधा दिली जाते. तसेच यामध्ये Death Benefits ही आहेत. पॉलिसीधारकाचा मृत्यू झाल्यास, गुंतवणुकीची रक्कम त्याच्या नॉमिनीला परत केली जाते.  (Latest Marathi News)

निवृत्ती योजना म्हणून लोकप्रिय

दरमहा निश्चित पेन्शन देणारी एलआयसी सरल पेन्शन ही एक प्रकारे निवृत्ती योजना म्हणूनही पाहिली जाते. ही योजना निवृत्तीनंतरच्या गुंतवणुकीच्या नियोजनात उत्तम प्रकारे बसते. समजा कोणतीही व्यक्ती नुकतीच निवृत्त झाली आहे. तर तो पीएफ फंडातून मिळालेले पैसे आणि निवृत्तीदरम्यान मिळालेली ग्रॅच्युइटी त्यात गुंतवू शकतो. त्यानंतर त्याला आयुष्यभर दर महिन्याला पेन्शनचा लाभ मिळत राहील.

गुंतवणुकीत कोणतीही मर्यादा नाही

एलआयसी सरल पेन्शन प्लॅनमध्ये तुम्ही वार्षिक किमान 12,000 रुपयांची Annuity खरेदी करू शकता. जास्तीत जास्त गुंतवणुकीला मर्यादा नाही, तुमच्या गुंतवणुकीनुसार तुम्हाला पेन्शन मिळू शकते. या योजनेत कोणत्याही व्यक्तीला या योजनेअंतर्गत एकदा प्रीमियम भरल्यानंतर वार्षिक, सहामाही, त्रैमासिक किंवा मासिक आधारावर पेन्शन मिळू शकते. एलआयसी कॅल्क्युलेटरनुसार, जर 42 वर्षीय व्यक्तीने 30 लाख रुपयांची गुंतवणूक केली तर त्याला दरमहा 12,388 रुपये पेन्शन म्हणून मिळणार.

टीप : कोणतीही योजना घेण्यापूर्वी तज्ज्ञांचा सल्ला घ्या आणि योजनेबद्दल संपूर्ण माहिती घ्या.