लाडकी बहीण योजनेत आतापर्यंत जुलै महिन्यापर्यंतचे सर्व हप्ते महिलांच्या खात्यात जमा करण्यात आले आहे. दरम्यान, ऑगस्टच्या हप्त्याची महिला अजूनही वाट पाहत आहेत. लाडक्या बहि‍णींना ऑगस्टचा हप्ता कधी मिळणार असा प्रश्न विचारला जात आहेत. दरम्यान, ऑगस्टचा हप्ता लांबणीवर जाणार असल्याची माहिती समोर आली होती. मात्र, आता सप्टेंबर महिना सुरु झाला आहे तरीही ऑगस्टच्या हप्त्याबाबत कोणतीही माहिती समोर आलेली नाही.

मागील दोन-तीन महिन्यांपासून लाडक्या बहि‍णींचे हप्ते लांबणीवर जात आहे. मात्र, त्याच्या पुढच्या महिन्यात पहिल्या आठवड्यात पैसे दिले जात आहेत. मात्र, आता सप्टेंबरचा पहिला आठवडा उलटून गेला तरीही महिलांच्या खात्यात पैसे जमा करण्यात आले नाहीत किंवा ऑगस्टच्या हप्त्याबाबत कोणतीही घोषणा झालेली नाही. त्यामुळे महिलांच्या मनात अनेक संभ्रम निर्माण झाले आहेत.

ऑगस्टच्या हप्त्याबाबत आदिती तटकरेंची प्रतिक्रिया (Ladki Bahin Yojana August Month Installment)

लाडक्या बहि‍णींना ऑगस्टचा हप्ता कधी येणार असा प्रश्न महिला व बालविकास मंत्री आदिती तटकरेंना विचारण्यात आला होता. यावेळी त्या म्हणाल्या होत्या की, ऑगस्टचा हप्ता लवकरच दिला जाईल. दरम्यान, आता हा हप्ता कधी देण्यात येणार याकडे लाडकी बहीण योजनेतील लाभार्थ्यांचे लक्ष लागले आहे.

ऑगस्ट आणि सप्टेंबरचे ३००० रुपये एकत्र येणार?

सप्टेंबर महिना सुरु झाला असूनही ऑगस्टचे पैसे देण्यात आलेले नाहीत. त्यामुळे ऑगस्ट आणि सप्टेंबरचा हप्ता एकत्र येणार का असा प्रश्न विचारण्यात येत आहे. दरम्यान, अजूनही याबाबत कोणतीही अधिकृत घोषणा करण्यात आलेली नाही. परंतु जर दोन महिन्याचे पैसे एकत्र येणार असतील तर याबाबत लवकरच घोषणा केली जाईल.