लाडकी बहीण योजनेत फेब्रुवारीचा हप्ता महिलांना आजपासून देण्यास सुरुवात झाल आहे. लाडकी बहीण योजनेत महिलांना दर महिन्याला १५०० रुपये दिले जातात. दरम्यान, लाडकी बहीण योजनेत २१०० रुपये देण्याची घोषणा महायुती सरकारने केली होती. हे पैसे कधी मिळणार याकडे सर्व महिलांचे लक्ष लागले आहे. (Ladki Bahin Yojana)

लाडकी बहीण योजनेत फेब्रुवारीत १५०० रुपये मिळणार आहेत. हा १५०० रुपयांचा कदाचित शेवटचा हप्ता असू शकतो. यानंतर पुढच्या महिन्यापासून महिलांना २१०० रुपये मिळण्याची शक्यता आहे. याचे कारण म्हणजे राज्याचा अर्थसंकल्प.

राज्याच्या अर्थसंकल्पात महिलांना लाडकी बहीण योजनेत २१०० रुपये देण्याची घोषणा केली जाऊ शकते. याबाबत अनेकदा महायुतीच्या नेत्यांनी माहिती दिली आहे. त्यामुळे महिलांना कदाचित मार्चपासून २१०० रुपये मिळू शकतात.जर पुढच्या महिन्यापासून २१०० रुपये मिळाले तर महिलांना खूप आनंद होईल. (Ladki Bahin Yojana Update)

राज्याचा अर्थसंकल्प कधी?

राज्याचा अर्थसंकल्प हा ३ मार्च रोजी सादर केला जाणार आहे. त्यामुळे ३ मार्चला योजनेबाबत निर्णय घेतला जाईल. हा वाढीव निधी देणार की नाही याबाबत अर्थमंत्री अजित पवार घोषणा करु शकतात. अद्याप याबाबत कोणतीही अधिकृत माहिती समोर आलेली नाही.

९ लाख महिला अपात्र

लाडकी बहीण योजनेतून ९ लाख महिला अपात्र होण्याची शक्यता आहे. आतापर्यंत साडेपाच लाख महिलांचे अर्ज बाद केले होते. त्यानंतर आणखी २ लाख महिलांचे अर्ज बाद केल्याची माहिती समोर आली होती. यानंतर लाडकी बहीण योजनेत ९ लाख महिलांचे अर्ज बाद होण्याची शक्यता आहे. ही आकडेवारी वाढण्याचीदेखील शक्यता आहे. त्यामुळे अपात्र महिलांना आता पुढचा हप्ता मिळणार नाही.