लाडकी बहीण योजनेच्या (Ladki Bahin Yojana) लाभार्थ्यांसाठी महत्त्वाची बातमी आहे. आता लाडकी बहीण योजनेचा जुलैचा हप्ता ९ ऑगस्ट रोजी जमा होणार आहे. रक्षाबंधनाच्या दिवशी महिलांना गिफ्ट मिळणार आहे. या योजनेत महिलांच्या खात्यात १५०० रुपये जमा होणार आहेत. दरम्यान, काही महिलांना या योजनेत पैसे मिळणार नाहीयेत.

४२ लाख महिला अपात्र

लाडकी बहीण योजनेतून तब्बल ४२ लाख महिलांना अपात्र ठरवण्यात आले आहे. या महिलांना आता जुलैचा हप्ता मिळणार नाही. लाडकी बहीण योजनेसाठी काही निकष ठरवण्यात आले होते. या निकषांमध्ये न बसणाऱ्या महिलांना योजनेतून बाद केले आहे. यासाठी पडताळणी करण्यात आली आहे.

अपात्रतेचे निकष (Ladki Bahin Yojana Eligibility)

लाडकी बहीण योजनेत फक्त २१ ते ६५ वयोगटातील महिला लाभ घेऊ शकतात. ज्या कुटुंबाचे उत्पन्न २.५ लाखांपेक्षा कमी आहे त्यांनाच योजनेचा लाभ मिळणार आहे. आयकर भरणाऱ्या महिलांना पैसे मिळणार आहेत. तसेच इतर योजनांचा लाभ घेणाऱ्या आणि चारचाकी वाहन असणाऱ्या महिलांना या योजनेचा लाभ घेता येणार नाही.

हे सर्व निकष निश्चित केले असतानाही अनेक महिलांनी वयोमर्यादेत बसत नसतानाही योजनेचा लाभ घेतला आहे. याचसोबत ज्या कुटुंबाचे उत्पन्न २.५ लाखांपेक्षा जास्त आहे त्यांनीही लाभ घेतला आहे. इतर सरकारी योजनांचा लाभ घेणाऱ्या महिलांना योजनेतून बाद करण्यात करण्यात आले आहेत.