लाडकी बहीण योजनेबाबत महत्त्वाची माहिती समोर आली आहे. आता लाखो महिलांचे अर्ज बाद करण्यात आले आहेत. या महिलांना कधीच लाडकी बहीण योजनेचा लाभ मिळणार नाहीये. या योजनेत निकषांबाहेर जाऊन अनेक महिलांनी अर्ज केले आहेत. त्यामुळे या महिलांना आता यापुढे कधीच लाडकी बहीण योजनेचा लाभ मिळणार नाहीये.

कोणाला मिळणार नाही लाडकी बहीण योजनेचा लाभ? (These Women Will Not Get Benefit of Scheme)

लाडकी बहीण योजनेच्या अर्जांची पडताळणी सुरु आहे. यामध्ये अनेक महिलांनी नियमांबाहेर जाऊन अर्ज केले आहेत. जवळपास साडे नऊ हजार सरकारी कर्मचारी असलेल्या महिलांनी या योजनेचा लाभ घेतला आहे. त्यांचे अर्ज बाद केले आहेत.

याचसोबत अनेक महिलांनी उत्पन्नाची खोटी माहिती देऊन योजनेचा लाभ घेतला आहे. त्यांचे उत्पन्न २.५ लाखांपेक्षा जास्त असतानाही योजनेअंतर्गत पैसे घेतले आहे. काही महिलांकडे चारचाकी वाहन आहे तर काही महिला इतर सरकारी योजनेचा लाभ घेत आहेत. त्यामुळे या महिलांना आता योजनेतून वगळण्यात आले आहे.

आतापर्यंत जवळपास ४२ लाख महिलांचे अर्ज बाद केले अशी माहिती समोर आली आहे. त्यामुळे या महिलांना इथून पुढे कधीही लाडकी बहीण योजनेचा लाभ मिळणार नाही. या महिलांच्या खात्यात १५०० रुपये येणार नाहीत.

जर तुम्ही योजनेच्या निकषात बसत नसाल आणि योजनेचा लाभ घेतला असेल तर तुमचाही अर्ज रद्द केला जाऊ शकतो. त्यामुळे जर तुम्हाला पुढच्या महिन्यात पैसे आले नाही तर तुमचा अर्ज बाद केलेला असू शकतो.