महाराष्ट्र सरकारची लाडकी बहीण योजना खूप लोकप्रिय झाली आहे. आता लाडकी बहीण योजनेत महिलांना इथून पुढे लाभ घ्यायचा असेल तर केवायसी करणे अनिवार्य केले आहे. महिलांना ऑनलाइन पद्धतीने ई केवायसीची संपूर्ण प्रक्रिया पूर्ण करायची आहे. या केवायसीसाठी शेवटची तारीख देण्यात आली आहे. त्याआधी तुम्हाला हे काम करायचे आहे अन्यथा तुम्हाला योजनेअंतर्गत पुढचा लाभ मिळणार नाही.

लाडकी बहीण योजनेत केवायसीची अंतिम तारीख (Ladki Bahin Yojana KYC Deadline)

लाडकी बहीण योजनेत केवायसी करण्याची अंतिम तारीख ही १८ नोव्हेंबर निश्चित करण्यात आली आहे. १८ सप्टेंबर रोजी आदिती तटकरेंनी केवायसीची घोषणा केली होती आणि त्यासाठी पोर्टलदेखील सुरु केले होते. त्यानंतर दोन महिन्यांची मुदत देण्यात आली होती. आता १८ नोव्हेंबरआधी तुम्हाला लाडकी बहीण योजनेत केवायसी पूर्ण करायची आहे. जर तुम्ही केवायसी केली नाही तर तुम्हाला १५०० रुपये मिळणार नाहीयेत.

लाडकी बहीण योजना केवायसी प्रोसेस (Ladki Bahin Yojana KYC Process)

लाडकी बहीण योजनेतील केवायसी प्रक्रिया ही पूर्णपणे ऑनलाइन आहे. केवायसीसाठी लाभार्थी महिलांसोबत त्यांच्या पती किंवा वडिलांचीही केवायसी करणे अनिवार्य आहे. त्यामुळे तुमच्याजवळ वडिलांचे किंवा पतीचे आधार कार्ड असणे आवश्यक आहे.

• केवायसी करण्यासाठी सर्वात आधी https://www.ladakibahin.maharashtra.gov.in/ekyc या वेबसाइटवर जायचे आहे.

• तिथे तुम्हाला केवायसी असा ऑप्शन दिसणार आहे त्यावर क्लिक करा.

• यानंतर तुम्हाला तुमचा आधार नंबर आणि लिंक असलेला मोबाईल नंबर टाकायचा आहे. जर तुमची केवायसी पूर्ण झाली असेल तर तसा मेसेज दिसेल. जर नसेल झाली तर पुढची प्रोसेस सुरु होईल.

• यानंतर तुम्हाला तुमच्या पतीचे किंवा वडिलांचा आधार नंबर आणि मोबाईल नंबर टाकायचा आहे.

• यानंतर त्यांच्या फोनवर ओटीपी येईल. तो ओटीपा टाकावा.

• यानंतर तुम्हाला काही प्रश्न विचारले जातील, त्याची माहिती द्या. यानंतर तुम्हाला केवायसी पूर्ण झाली आहे, असा मेसेज येईल.

कोणती कागदपत्रे आवश्यक (Ladki Bahin Yojana KYC Documents Required)

लाडकी बहीण योजनेत केवायसीसाठी आधार कार्ड, महिलेचा फोटो, रेशन कार्ड, उत्पन्नाची माहिती, आधार कार्ड नंबर लागणार आहे. याचसोबत जर महिलेचा जन्म परराज्यात झाला असेल तर पतीचे रेशन कार्ड, ओळखपत्र आवश्यक आहे. याचसोबत तुमच्या पतीचे किंवा वडिलांचे आधार कार्ड आवश्यक आहे.