लाडकी बहीण योजनेच्या लाभार्थी महिलांच्या मनात नाराजी निर्माण झाली आहे. आता पुढच्या ८ दिवसात फेब्रुवारी महिनादेखील संपेल तरी अजूनही जानेवारीचाच हप्ता जमा झालेला नाही. लाडकी बहीण योजनेत गेल्या अनेक महिन्यांपासून हप्ता लांबणीवर जात आहे. आतादेखील जानेवारीचा हप्ता जवळपास महिनाभर लांबणीवर गेला आहे. त्यामुळे महिलांच्या मनात अनेक प्रश्न निर्माण झाले आहेत. दरम्यान, आता जानेवारीचा हप्ता न येण्यामागची कारणे समोर आली आहेत.

लाडक्या बहि‍णींना जानेवारीचा हप्ता का आला नाही? (Ladki Bahin Yojana January Installment Delay Reason)

लाडकी बहीण योजनेच्या हप्त्याबाबत महत्त्वाची माहिती समोर आली आहे. लाडकी बहीण योजनेच्या जानेवारीच्या हप्त्यासाठी अजून निधी जमा झालेला नाही. वेगवेगळ्या विभागाकडून हा निधी जमा केला जातो. यानंतर या निधीतून योजनेच्या लाभार्थ्यांना पैसे दिले जातात. दरम्यान, अजूनही हा निधी उपलब्ध झाला नाहीये, त्यामुळेच महिलांच्या खात्यात पैसे जमा झालेले नाहीत. पैसे जमा होण्यास उशिर लागू शकतो, याबाबत टाइम्स ऑफ इंडियाने वृत्त दिले आहे.

जानेवारीच्या हप्त्याबाबत महत्त्वाची पाऊले

लाडकी बहीण योजनेच्या लाभार्थ्यांसाठी सरकारने महत्त्वाची पाऊले उचलली आहे. आता जानेवारी महिन्याच्या हप्त्यासाठी सामाजिक न्याय विभागानं ९८.४५ कोटी रुपयांचा निधी महिला व बालविकास विभागाला वर्ग केला आहे. याबाबत निर्णय जारी करण्यात आला आहे, यानंतर आता महिलांच्या खात्यात पैसे जमा केले जातील, असं सांगितलं जात आहे.

जानेवारीचा हप्ता कधी मिळणार? (Ladki Bahin Yojana January Installment Date)

लाडकी बहीण योजनेत जानेवारीचा हप्ता लांबणीवर गेला आहे. आता फेब्रुवारी महिना संपण्याआधी पैसे येऊ शकतात. दरम्यान, आता जानेवारी आणि फेब्रुवारीचा हप्ता एकत्र येण्याची शक्यता वर्तवली जात आहे. परंतु हे पैसे कधी जमा होणार याबाबत कोणतीही अधिकृत माहिती समोर आलेली नाही.