लाडकी बहीण योजनेतील लाभार्थ्यांना आनंदाची बातमी मिळाली आहे. लाडक्या बहि‍णींच्या खात्यात जानेवारीचा हप्ता जमा होण्यास सुरुवात झाली आहे. महिलांना एका महिन्याचे पैसे मिळाले आहे. त्यानंतर आता फेब्रुवारीचा हप्ता कधी जमा होणार असा प्रश्न विचारला जात आहे.

फेब्रुवारी महिना संपायला अवघे २ दिवस उरले आहेत. तरीही फेब्रुवारीच्या हप्त्याबाबत कोणतीही अपडेट समोर आलेली नाही. जानेवारीचा हप्ता हा लांबणीवर गेला होता. त्यानंतर आता फेब्रुवारीचा हप्तादेखील लांबणीवर जाण्याची शक्यता वर्तवली जात आहे. दरम्यान, याबाबत कोणतीही अधिकृत माहिती समोर आलेली नाही.

फेब्रुवारीचा हप्ता लांबणीवर जाणार (Ladki Bahin Yojana February Installment to Delay)

लाडकी बहीण योजनेत महिलांना जानेवारीचे पैसे दिले आहेत. हा हप्ता एक महिनाभर लांबणीवर गेला आहे. जानेवारीचा हप्ता जमा होण्यासाठी अजून २ दिवसांचा कालावधी लागेल. तोपर्यंत फेब्रुवारीचा हप्ता जमा होऊ शकत नाही. त्यामुळे हा हप्ता लांबणीवर जाणार हे निश्चित झाले आहे. मात्र, फेब्रुवारीचा हप्ता कधी येणार याबाबत कोणतीही अधिकृत माहिती समोर आलेली नाही.

एकीकडे जानेवारी आणि फेब्रुवारीचा हप्ता एकत्र येईल, अशा चर्चा सुरु होती. मात्र, फक्त एकाच महिन्याचा हप्ता जमा झाल्याने महिलांमध्ये निराशा निर्माण झाली आहे. आता महिलांना अजून काही दिवस वाट पाहावी लागणार आहे. याचसोबत काही महिलांनाच या योजनेचा हप्ता मिळाला आहे. ज्या महिलांनी केवायसी पूर्ण केली आहे त्यांना योजनेचा लाभ मिळणार आहे.