लाडकी बहीण योजनेच्या लाभार्थी महिलांना आता डिसेंबरपर्यंतचा हप्ता देण्यात आला आहे. लाडकी बहीण योजनेत महिला आता जानेवारीच्या हप्त्याची वाट पाहत आहेत. जानेवारीचा हप्ता कधीपर्यंत येणार याबाबत कोणतीही अधिकृत माहिती समोर आलेली नाही. लाडकी बहीण योजनेचा पुढचा हप्ता जिल्हा परिषद निवडणुकीआधी येण्याची शक्यता आहे.

झेडपी निवडणुकीआधी येणार जानेवारीचा हप्ता (Ladki Bahin Yojana January Installment Come Before ZP Election)

लाडकी बहीण योजनेचा डिसेंबरचा हप्ता महापालिका निवडणुकीआधी देण्यात आला होता. त्यानंतर आता पुढचा म्हणजेच जानेवारीचा हप्ता झेडपी निवडणुकीआधी दिली जाण्याची शक्यता वर्तवली जात आहे. जिल्हा परिषदेच्या निवडणुका ५ फेब्रुवारी रोजी होणार आहे. या निवडणुकांचा निकाल ७ फेब्रुवारी रोजी लागणार आहे. त्याआधी महिलांच्या खात्यात पैसे जमा केले जाऊ शकतात. त्यामुळे पुढच्या २० दिवसात महिलांना पैसे मिळतील.

या महिलांनाच मिळणार ₹१५०० (Ladki Bahin Yojana Only These Women Will Get ₹1500)

लाडकी बहीण योजनेचा मागच्या डिसेंबर महिन्याचा हप्ता काही महिलांनाच आला होता. अनेक महिलांना हप्ता देण्यात आलेला नाही. लाभार्थ्यांना केवायसी करणे अनिवार्य केले होते. जर केवायसी केले नाही तर योजनेचा लाभ बंद केला जाईल. तसेच योजनेच्या निकषांमध्ये न बसणाऱ्या महिलांचाही लाभ बंद केला जाणार आहे. ज्या महिलांच्या कुटुंबाचे उत्पन्न २.५ लाखांपेक्षा जास्त असेल त्यांना या योजनेचा लाभ मिळणार नाही.

लाडकी बहीण योजनेत डिसेंबर आणि जानेवारीचा हप्ता एकत्र येणार असल्याची चर्चा सुरु होती. त्यानंतर एकाच महिन्याचा हप्ता देण्यात आला होता. यामुळे अनेक महिलांच्या मनात निराशा निर्माण झाली होती. पण आता जिल्हा परिषद निवडणुकीआधी पैसे येणार असल्याची चर्चा सुरु आहे.