महाराष्ट्र सरकारची मुख्यमंत्री लाडकी बहीण योजनेत लाखो महिलांनी अर्ज केले आहेत. या योजनेचा पहिला हप्ता अनेक महिलांच्या खात्यात जमा झाला आहे. या योजनेत दोन महिन्यांचा हप्ता एकाच वेळी महिलांना देण्यात आला आहे. योजनेअंतर्गत अनेक महिलांच्या खात्यात ३ हजार रुपये जमा झाले आहेत. मात्र, हे पैसे काहीच महिलांच्या खात्यात जमा झाले आहेत. अनेक महिलांच्या खात्यात एकही रुपया जमा झाला नाही. त्यामुळे ज्या महिलांच्या खात्यात पैसे जमा झाले नाही त्या महिला तक्रार करु शकतात.

तुमच्या खात्यात पैसे जमा न झाल्यास अशा पद्धतीने करा तक्रार

मुख्यमंत्री माझी लाडकी बहीण योजनेअंतर्गत जर तुमच्याही अकाउंटला पैसे जमा झाले नसतील तर घाबरुन जाऊ नका. याबाबत तुम्ही तक्रार करु शकतात. हेल्पलाइन नंबर १८१ वर फोन करुन तुम्ही याबाबत माहिती देऊन तक्रार नोंदवू शकतात.

याचसोबत महिला नारी शक्ती दूत अॅपवर जाऊन तक्रार करु शकतात.या अॅपवरुन तुम्हाला पैसे आले नाही, असं सांगून लेखी तक्रार करु शकतात. तसेच महिला अंगनवाडी केंद्रात जाऊन पैसे जमा झाल्याची तक्रार नोंदवू शकतात.

या तारखेला जमा झाला पहिला हप्ता

मुख्यमंत्री माझी लाडकी बहीण योजनेचा पहिला हप्ता १५ ऑगस्ट रोजी महिलांच्या खात्यात जमा झाला. ३००० रुपये महिलांच्या अकाउंटला जमा झाले होते. या योजनेत आतापर्यंत ८० लाख महिलांनी अर्ज केला आहे. या योजनेत जुलै आणि ऑगस्ट महिन्याचा हप्ता एकाचवेळी जमा करण्यात आला आहे.